İdman

“Bavariya” Xabi Alonso üçün “Liverpul”la rəqabət apara bilər - FOTO

17 Fevral 2024 06:25

Baxış: 736

#BAVARİYA #FUTBOL

Yayda "Bavariya" Tomas Tuxelin komandadan ayrılacağı təqdirdə "Liverpul"un da maraqlandığı Leverkuzenin "Bayer" klubunun baş məşqçisi Xabi Alonso uğrunda mübarizəyə qoşula bilər.

Milli.Az lent.az-a istinadən xəbər verir ki, bu barədə Britaniyanın "The Times" nəşri məlumat yayıb.

Mənbənin məlumatına görə, Çempionlar Liqasının 1/8 final mərhələsinin ilk oyununda "Latsio"ya məğlubiyyətdən (0:1) sonra "Bavariya" rəhbərliyi Tuxelin yerinə gələcəkdə hazır namizədlərin axtarışına başlayıb. Seçimlərdən biri də "Bayer"i çalışdıran Xabi Alonsodur. Bundan əlavə, Tomasın bu mövsümün ortasında qovulması ehtimalı var.

Xatırladaq ki, daha əvvəl "Bavariya"nın növbəti üç oyununun - "Bohum", "Leypsiq" və "Frayburq"la keçirəcəyi oyunların Tuxelin performansının daxili qiymətləndirilməsi üçün həlledici olacağı bildirilib. 2023/2024 mövsümünün Almaniya çempionatında "Bavariya" 50 xalla turnir cədvəlinin ikinci pilləsində qərarlaşıb. Komanda lider "Bayer"dən 5 xal geri qalır.

Milli.Az
Xəbərlərimizi WhatsApp kanalımızdan da oxuyun