İdman

UEFA Rusiya komandalarını yarışlara buraxdı

26 Sentyabr 2023 20:30

Baxış: 1 785

VTB-də minimal faiz dərəcəsi ilə nağd kredit 10.49%-dən

#UEFA

UEFA Rusiyanın aşağı yaş qrupları üzrə milli komandalarının neytral statusda - himn və bayraqsız beynəlxalq turnirlərdə iştirakına icazə verib.

Milli.Az Trend-ə istinadən xəbər verir ki, bu barədə qurumun rəsmi saytı məlumat yayıb. Qərar bu gün keçirilən UEFA İcraiyyə Komitəsinin iclasında verilib.

Qərar Rusiyanın U-17 millisi də daxil olmaqla bütün aşağı yaş qruplarına şamil olunur. 17 yaşadək futbolçular arasında dünya çempionatının püşkü artıq sentyabrın 15-də atılsa da, Rusiyanın bu yaş qrupu üzrə komandası turnirə buraxılacaq.

UEFA-nın bəyanatında bu qərar belə izah olunub ki, uşaqlar böyüklərin törətdiyi hərəkətlərə görə məsuliyyət daşımamalıdır.

O da bildirib ki, rusiyalı yeniyetmə futbolçular Rusiya ərazisində oyun keçirə və milli kimlik əlamətləri olan formalarda çıxış edə bilməyəcəklər.

Xatırladaq ki, Rusiyanın Ukrayna ərazisinə silahlı müdaxiləsinə görə ölkənin yığma komandaları beynəlxalq yarışlardan kənarlaşdırılıb.

Milli.Az