İdman

Laynsmen "Liverpul"un futbolçusunu dirsəklə vurub

10 Aprel 2023 07:41
Baxış: 1 147
VTB-də minimal faiz dərəcəsi ilə nağd kredit 9.9%-dən
#FUTBOL #İNGİLTƏRƏ #LİVERPUL

İngiltərə Premyer Liqasının "Liverpul" - "Arsenal" matçının ilk yarısının sonunda "qırmızılar"ın müdafiəçisi Endrü Robertson laynsmen Konstantin Xatsidakisi boğazına dirsəklə vurmaqda ittiham edib.

Milli.Az "report"a istinadən bildirir ki, aşağı keyfiyyətdə də olsa, oyundan sonra yayımlanan fotolar, həqiqətən də, dirsək hərəkətinin olduğunu ortaya çıxarıblar.

Qarşılaşmadan sonra "Liverpul"un baş məşqçisi Yurgen Klopp insidentə geniş şərh verməyib: "Bilirəm ki, belə bir şey olub, amma epizodu görməmişəm. Əgər belə olubsa, şəkillər öz sözünü deyəcək".

İngiltərə futbolunda hakimliklə məşğul olan "Professional Game Match Officials Limited" (PGMOL) hadisəni araşdırdığını bildirib:

"PGMOL "Enfild"də keçirilən "Liverpul" - "Arsenal" matçının fasiləsində köməkçi hakim Konstantin Xatsidakis və "Liverpul" müdafiəçisi Endrü Robertsonla bağlı insidentdən xəbərdardır. Oyun başa çatdıqdan sonra bu məsələyə ətraflı baxacağıq", - açıqlamada vurğulanıb.

Xatırladaq ki, aprelin 9-da baş tutan "Liverpul" - "Arsenal" matçında "qırmızılar" ard-arda iki cavabsız top buraxsa da, oyunda geridönüş edə biliblər - 2:2. Beləliklə, "topçular"ın liqada 7 oyunluq qələbə seriyasına son qoyulub.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.