İdman

Bakıda keçirilən FIG Dünya Kubokunda Filippin nümayəndəsi qızıl medal qazanıb

11 Mart 2023 14:18

Baxış: 790

VTB-də minimal faiz dərəcəsi ilə nağd kredit 9.9%-dən

#GİMNASTİKA

Filippini təmsil edən Karlos Edriel Yulo Bakı şəhərində keçirilən idman gimnastikası üzrə FIG Dünya Kubokunda paralel tirlərdə hərəkətlər üzrə 15.400 bal nəticə ilə qızıl medal qazanıb.

Milli.Az Trend-ə istinadən bildirir ki, "Gümüş medalı ukraynalı İlya Kovtun (15.366 bal), bürünc medalı fransız Kameron-Li Bernard (14.600 bal) qazanıb.

Qeyd edək ki, idman gimnastikası üzrə FIG Dünya Kuboku 9-12 mart tarixlərində Bakı şəhərində yerləşən Milli Gimnastika Arenasında keçiriləcək. Yarışlarda dünyanın 48 ölkəsindən 173 gimnast iştirak edəcək ki, bu da ölkəmizdə gimnastika fənləri üzrə keçirilən Dünya Kuboku tarixində iştirakçı ölkələrin sayına görə rekord göstəricidir.

Final yarışlarında Nikita Simonovla (halqalarla məşq) yanaşı sabah, yəni martın 12-də azərbaycanlı idmançılar İvan Tixonov (köndələn tir üzərində hərəkətlər) və Nazənin Teymurova (sərbəst hərəkətlər) çıxış edəcəklər.

Milli.Az