DÇ-2022: İngiltərə millisi İranı darmadağın etdi

19:13

İngiltərə millisi qrupun açılış matçında İran yığması ilə qarşılaşıb. "Xəlifə" stadionunda keçirilən görüşdə Avropa təmsilçisi rəqibini darmadağın edib - 6:2

Milli.Az report-a istinadən xəbər verir ki, hesabı 35-ci dəqiqədə Cud Bellingem açıb. 43-cü dəqiqədə Bukayo Saka ikinci topu asiyalıların qapısından keçirib. İlk hissənin əsas vaxtına əlavə olunmuş 1-ci dəqiqədə Rahim Sterlinq rəqibi 3-cü dəfə meydanın mərkəzinə dəvət edib. 62-ci dəqiqədə Saka özünün 2-ci, komandasının 4-cü qolunu vurub. 65-ci dəqiqədə İran millisindən Mehdi Taremi buraxılan toplardan birinin əvəzini çıxıb. 71-ci dəqiqədə Markus Reşford rəqibi 5-ci dəfə məyus edib. 90-cı dəqiqədə Cek Qriliş hesab arasındakı fərqi artırıb - 6:1. Son nöqtəni isə 90+13-cü dəqiqədə penaltini dəqiq yerinə yetirən Taremi qoyub.

İngiltərə yığması bu qələbədən sonra ilk pilləyə yüksəlib. İran isə hələlik sonuncudur.

--------

19:12

İngiltərə  6 - 2 İran

--------

19:00

İngiltərə  6 - 1 İran

--------

18:42

İngiltərə  5 - 1 İran

-------

18:35

İngiltərə  4 - 1 İran

--------

18:32

İngiltərə  4 - 0 İran

-------

17:46

İngiltərə millisi Qətərdəki dünya çempionatında İrana qarşı keçirdiyi B qrupunun ilk tur oyununda 3-cü qolu vurub.

"Report"un məlumatına görə, Avropa təmsilçisindən 43-cü dəqiqədə Bukayo Saka, 45+1-ci dəqiqədə isə Rahim Sterlinq fərqlənib. 

--------

17:36

Qətərdə keçirilən dünya çempionatında İngiltərə və İran yığmaları arasında B qrupunun ilk tur oyununda hesab açılıb.

"Report"un məlumatına görə, 35-ci dəqiqədə fərqlənən Cud Bellingem Avropa təmsilçisini önə çıxarıb.

-------

17:00

"Xəlifə" stadionunda oynanılan görüş Bakı vaxtı ilə saat 17:00-da start götürüb.

-------

16:55

DÇ-2022-nin birinci turunda bu gün saat 17:00-da başlayacaq İngiltərə - İran matçı üçün start heyətlər açıqlanıb.

Milli.Az qol.az-a istinadən xəbər verir ki, komandalar meydana aşağıdakı oyunçularla çıxacaqlar:

İngiltərə: 1. Cordan Pikford (q), 12. Kiran Tripyer, 5. Con Stounz, 6. Harri Maquayr, 3. Lyuk Şou, 4. Deklan Rays, 22. Cud Bellingem, 17. Bukayo Saka, 19. Meyson Maunt, 10. Rahim Sterlinq; 9. Harri Keyn (k)

İran: 1. Əlirza Beyrənvand (q), 2. Sadeq Moharremi, 3. Ehsan Həcsəfi (k), 5. Milad Mohemmedi, 7. Əlirza Cahanbaxş, 8. Murtəza Purəliqanji, 9. Mehdi Taremi, 15. Ruzbeh Çeşmi, 18. Əli Kərimi, 19. Məcid Hosseyini, 21. Əhməd Nurullahi

Milli.Az