İdman

Bakıda FIG Dünya Kubokunda mükafatlandırma mərasimi keçirilib - FOTO

24 Aprel 2022 17:45
Baxış: 500
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Milli Gimnastika Arenasında bədii gimnastika üzrə FIG Dünya Kubokunun fərdi və qrup hərəkətləri proqramı üzrə qalib və mükafatçılarının ikinci mükafatlandırma mərasimi keçirilib.

Milli.Az Trend-ə istinadən xəbər verir ki, gürzlərlə hərəkətdə Darya Atamanov (İsrail) birinci, Elizaveta Polstyanaya (Latviya) ikinci, Sofiya Raffaelli (İtaliya) üçüncü yeri tutublar.

Qalib və mükafatçılara medalları Azərbaycanın gənclər və idman naziri Fərid Qayıbov, FIG (Beynəlxalq Gimnastika Federasiyası) Bədii Gimnastika üzrə Texniki Komitəsinin üzvü Lyubov Çerkaşina, beynəlxalq dərəcəli hakim Nigar Abdusəlimova təqdim ediblər.

Lentlə hərəkətdə Boryana Kaleyn (Bolqarıstan) qızıl, Darya Atamanov (İsrail) gümüş, Yekaterina Vedeneeva (Sloveniya) bürünc medala sahib olublar.

Qalib və mükafatçılara medalları Azərbaycan Triatlon Federasiyasının prezidenti Elçin Əliyev, Beynəlxalq Gimnastika Federasiyasının texniki nümayəndəsi Kerolayn Hant, Milli Gimnastika Arenasının direktoru Maqsud Fərzullayev təqdim ediblər.

Üç lent və iki topla qrup hərəkətlərində İtaliya komandası fəxri kürsünün ən yüksək pilləsinə qalxıb, Yaponiya komandası ikinci, Qazaxıstan komandası üçüncü yeri tutub.

Medalları "Azərişıq" ASC-nin sədri Vüqar Əhmədov, Azərbaycanın gənclər və idman nazirinin müavini Mariana Vasileva, FIG Bədii Gimnastika Texniki Komitəsinin üzvü Nataliya Bulanova təqdim ediblər.

Aprelin 22-dən 24-dək Bakıda Bədii Gimnastika üzrə Dünya kuboku keçirilib. Azərbaycanın gimnastika növləri üzrə bu il ev sahibliyi etdiyi 5-ci beynəlxalq yarışda 31 ölkədən 42-si fərdi və 84-ü qrup komandasının (14 qrup) üzvü olmaqla 126 gimnast iştirak edib.

Azərbaycanı Dünya Kubokunda fərdi proqramda Arzu Cəlilova və Zöhrə Ağamirova, o cümlədən Güllü Ağalarzadə, Ləman Əlimuradova, Kamilla Əliyeva, Zeynəb Qummətova, Elizaveta Luzan və Daria Sorokinadan ibarət qrup hərəkətləri üzrə komanda təmsil edib.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.