İdman

"Azərbaycanda işləmək asandır" - Millimizin baş məşqçisi

22 Yanvar 2022 18:35

5 Şərh Baxış: 3 224

#AZƏRBAYCAN FUTBOLU

Azərbaycan U-21 millisinin baş məşqçisi Milan Obradoviç Ukrayna mətbuatına açıqlama verib.

Milli.Az qol.az-a istinadən xəbər verir ki, o, millimizin baş məşqçisi vəzifəsinə gətirildiyi vaxtları xatırlayıb:

"Serbiya millisindən ayrıldıqdan sonra 2018-ci ilin qışında AFFA nümayəndələri ilə görüşdüm. Məni gənclər komandasının başında görmək istədiklərini söylədilər. Bu, mənim üçün böyük sınaq idi. Serbiyanın U-17 və U-19 komandalarına rəhbərlik etmişəm, əsas millidə köməkçi kimi çalışmışam. Özümü sınamaq və yeni səviyyəyə keçməyə nə qədər hazır olduğumu görmək istədim. İndi də deyə bilərəm ki, bu düzgün addım idi. Üç il ərzində 12 futbolçu U-21-dən əsas yığmaya keçid edib. Mən hər şeydən razıyam. Azərbaycanda işləmək mənim üçün asan və xoşdur".

Qeyd edək ki, Obradoviç 2019-cu ildən U-21 yığmamızı çalışdırır.

Milli.Az