Cəmiyyət

19 şəhidin xatirəsi əbədiləşdirilib - VİDEO

22 Noyabr 2021 14:30
0 Şərh     Baxış: 350

Qubanın Alpan kəndində şəhidlərin xatirəsinə inşa edilən abidə kompleksinin açılışı oldu. Açılış mərasimində Quba rayon icra hakimiyyətinin rəhbərliyi, Türkiyə Müstəqil Sənayeçi İş Adamları dərnəyinin nümayəndələri, şəhid valideynləri və kənd sakinləri iştirak etdi. Çıxış edənlər ötən il sentyabrın 27-də başlanan və tarixə 44 günlük müharibə kimi düşən Vətən müharibəsindən, Azərbaycan Ordusunun qəhrəmanlığından, qazandığı şanlı Qələbədən, şəhidlərin gənclərə nümunə olan qısa, lakin şərəfli ömür yolundan danışdılar. Vətən müharibəsində şəhidlərin qanının yerdə qalmadığı, Müzəffər Ali Baş Komandan İlham Əliyevin rəhbərliyi ilə torpaqlarımızın işğaldan azad edildiyi, böyük Qələbənin tarixi əhəmiyyəti xüsusi qeyd edildi. Mərasimdə məktəblilərin ifasında vətənpərvərliyə, qəhrəmanlığa həsr edilən mahnı və şeirlər səsləndirildi. Daha sonra abidənin açılışı oldu.

Milli.Az Real TV-yə istinadən xəbər verir ki, abidə kompleksində 19 nəfər şəhidin büstü qoyulub. Onlardan 16 nəfəri birinci Qarabağ, 3 nəfər isə Vətən Müharibəsində şəhadətə yüksəlib. Abidənin tikintisinə şəhid valideynləri Muxtar Murtuzov və Vidadi Balayevin təşəbbüsü ilə başlanılıb. Daha sonra bu təşəbbüsə Quba RİH-nin rəhbərliyi və kənd sakinləri qoşulub.

Alpan kənd sakinləri isə hesab edir ki, şəhidlərin əziz xatirəsinə ucaldılan abidə həm də gənc nəsilin vətənpərvər ruhda böyüməsində müstəsna rola malikdir.

Onu da bildirək ki, Alpan kəndi Quba rayonunda torpaqlarımızın ərazi bütovlüyü uğrunda ən çox şəhid verən yaşayış məntəqələrindən biridir. Birinci Qarabağ və Vətən Müharibəsində bu kənddən 23 nəfər qəhrəman şəhid olub.

Milli.Az

35 000 AZN-dək krediti ONLAYN sifariş et!

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.