Cəmiyyət

Nazir müavini Akademik Musiqili Teatrın kollektivi ilə görüşdü - FOTO

27 Oktyabr 2021 17:56
Baxış: 697
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Azərbaycan Respublikası Mədəniyyət nazirinin birinci müavini Elnur Əliyev Azərbaycan Dövlət Akademik Musiqili Teatrının kollektivi ilə görüşüb. 8 Noyabr - Zəfər bayramı münasibətilə çoxsaylı kollektivin qarşısında duran mühüm vəzifələrdən, 44 günlük qələbə soraqlı döyüşlərin qəhrəmanları - ölməz şəhidlərimizin, qazilərimizin qəhrəmanlıq salnaməsindən, müzəffər Ali Baş Komandanımızın tarixi şücaətindən sənət adamlarına ətraflı danışan nazir müavini "yenilməz xalqın qüdrətli də mədəniyyəti olmalıdır" fikrini önə gətirərək son vaxtlar Mədəniyyət Nazirliyinin gördüyü işlər barədə məlumat verib.

Elnur Əliyev ölkə Prezidentinin Sərəncamı ilə tarixə çevrilən "Nizami ili"nin ölkəmizdə və onun hüdudlarından çox uzaqlarda belə qeyd olunmasının vətənimiz üçün nə qədər əhəmiyyətli bir hadisə olduğu barədə söhbət açıb. Teatr cameəsinin pandemiya dövründən sonrakı fəaliyyətinin nə qədər məsuliyyətli bir zamana gəlib çatdığını vurğulayan E.Əliyev iki ilə yaxın bir müddətdə teatrdan ayrı düşən tamaşaçıların yenidən teatrlara cəlb edilməsi, repertuar siyasətində tarixi Qələbəmizə həsr olunmuş əsərlərin, xalqı düşündürən, onları narahat edən, günümüz üçün aktual olan mövzuların daha geniş miqyasda yer alacağının vacibliyi barədə danışıb.

Tarixi qələbəmizdən bəhs edən əsərlərin istər ölkə daxilində, istərsə də xaricdə təqdim olunması məsələsi də müzakirə olunub. Görüşdə çıxış edən Akademik Musiqili Teatrın direktoru, Əməkdar incəsənət xadimi, sənətşünaslıq üzrə fəlsəfə doktoru Əliqismət Lalayev, "Şöhrət" ordenli" Xalq artisti, Prezident təqaüdçüsü Afaq Bəşirqızı, Xalq artisti, Prezident təqaüdçüsü Fatma Mahmudova, Əməkdar artist, Prezident mükafatçısı Əkbər Əlizadə müzakirə olunan məsələlər barədə öz fikirlərini bildiriblər.
Nazir müavini eyni zamanda teatrın xor, balet truppalarının, orkestr heyətinin, eləcə də aktyorların ifasında Zəfər Gününə həsr olunmuş rejissor Samir Qulamovun quruluşunda "Bir nəfəs qədər" tamaşasının məşqlərini izləyib, sənət adamları ilə ətraflı səmimi söhbətlər aparıb. Nazir müavini teatrın texniki - istehsalat sahəsi, ayrı-ayrı sexlərin fəaliyyəti ilə də tanış olub.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.