Cəmiyyət

Kəlbəcər yaylaqlarına köç başladı - VİDEO

11 İyun 2021 11:14
Baxış: 1 766
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Uzun illər erməni işğalı altında qalan Kəlbəcər yaylaqlarına sözün əsl mənasında həyat qayıdır. Minlərlə xırdabuynuzlu və iribuynuzlu heyvan Murov yolu ilə  yenicə çiçəklənən yaylaqlara qaldırılır.

Milli.Az xezerxeber.az-a istinadən bildirir ki,bununla bağlı sosial şəbəkələrdə yayılan görüntülər birmənalı qarşılanmayıb. 

"Xəzər Xəbər"ə açıqlama verən Kəlbəcər rayonundan millət vəkili Aqil Məmmədov deyib ki, artıq 10-15 gündür bəzi təsərrüfatlardakı sürülərin yaylaqlara aparılmasına rəsmi icazə verilib. Həmçinin həmin sürülər xüsusi nəzarətlə, mina təhlükəsi olmayan ərazilərlə yaylaqlara qaldırılıb.

Aqil Məmmədov hesab edir ki, bu həm də iqtisadi baxımdan olduqca mühim addımdır. Çünkü Aran rayonlarında sıxlıq azalacaq. Bu isə ot və yemin qiymətinin gələcəkdə ucuzlaşmasına səbəb ola bilər.

Sürülərlə yanaşı bəzi arı təsərrüfatları da Kəlbəcərə aparılıb.

Daxili İşlər Nazirliyi də görüntülərə münasibət bildirib. Nazirliyin mətbuat xidmətinin inspektoru Anar Qafarov həmin sürülərin kimlərə məxsus olduğunu açıqlayıb.

Qeyd edək ki, kənd təsərrüfatı baxımından yüksək potensialı olan Qarabağın otlaq sahələrinin 22.2 faizi Kəlbəcərin payına düşür. Məlumata görə, hələ sovetlər dönəmində Kəlbəcər yaylaqlarına 20 rayonun mal-qarası aparılırmış.

Mövzu ilə bağlı daha ətraflı videomaterialı təqdim edirik:

Milli.Az 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.