Cəmiyyət

Fuad Xankişiyev: Şəhidliyə can atan qəhrəman - VİDEO

4 İyun 2021 18:18

Baxış: 960

VTB-də yüksək depozit faizleri daha çox qazandırır

#CƏMİYYƏT #VİDEO

Şəhid Fuad Xankişiyev vətən müharibəsinə yollananda qeyrət davamızdır demişdi. Füzuli, Xocavənd və Şuşa uğrunda gedən qızğın döyüşlərdə düşmənin canlı qüvvəsinin məhv edilməsində fəal iştirak edib. Ölümündən sonra o 3 medalla təltif olunub.

Milli.Az xezerxeber-ə istinadən xəbər verir ki, 44 günlük Vətən müharibəsində canını fəda edərək torpaqlarımızın işğaldan azad edilməsində onun da payı var. Söhbət 1996-cı il aprelin 12-də Mingəçevirdə anadan olmuş Fuad Xankişiyevdən gedir. Uşaq yaşlarından maraqlı əl işləri və idmana marağı ilə seçilib. Cüdo üzrə şəhər və ölkə birinciliklərinin qalibi olub.

O, Vətən müharibəsinə ötən il oktyabrın 5-də qatılıb. Füzuli, Xocavənd və Şuşa uğrunda gedən döyüşlərdə fəal iştirak edib. Ötən il noyabrın 3-də qəhrəmancasına şəhid olub.

İki bacının yeganə qardaşı olan Fuad Xankişiyev qohum əqrabanın sevimlisiydi. Döyüşə gedəndə isə babası ilə görüşüb ondan xeyir-dua alıb.

24 yaşında şəhidliyə ucalan Fuad Xankişiyev, ölümündən sonra "Vətən uğrunda", "Xocavəndin azad olunmasına görə'', Füzulinin azad olunmasına görə'' medalları ilə təltif edilib.

Milli.Az