Cəmiyyət

Azərbaycan könüllüləri dünyanı Xocalı soyqırımına səssiz qalmamağa çağırıb - FOTO

26 Fevral 2021 20:55
Baxış: 793
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Azərbaycan Könüllü Təşkilatları İttifaqı, Azərbaycanlı Tələbələr və Məzunlar Platformasının dəstəyi ilə Xocalı soyqırımının 29-cu ildönümü ilə əlaqədar cinayətkarların cəzalandırılması və soyqırım qurbanlarının səsinin dünyaya çatdırılması məqsədilə "Raise your voice!" (Səsini yüksəlt!) kampaniyasına başlayıb.

Azərbaycan Gənclər Fondundan Milli.Az-a bildirilib ki, kampaniya çərçivəsində gənclərimiz ağızlarını simvolik olaraq lentlə bağlayaraq, Ermənistanın xalqımıza qarşı törətdiyi amansız soyqırıma səssiz qalan dünyaya öz etiraz ismarıclarını çatdırıb, üzərində "Mən Azərbaycandanam. Xocalıya Ədalət tələb edirəm. Xocalı soyqırımının 613 qurbanı üçün susma!" yazısının əks olunduğu fotoları sosial şəbəkələr və mediada paylaşıblar.

Kampaniya dünyanın müxtəlif ölkələrində böyük dəstək qazanıb və çox keçmədən dünya ictimaiyyəti gənclərin etirazına qoşulub. Kampaniya çərçivəsində xarici ölkələrin vətəndaşları "I demand #JusticeForKhojaly! Don't be silent for the 613 victims of the Khojaly Genocide!" (Xocalıya Ədalət tələb edirəm! Xocalı soyqırımının 613 qurbanı üçün susma!) kimi yazılar əks olunan fotolarını sosial şəbəkələrdə paylaşaraq, Azərbaycanın haqlı mövqeyinin və faciə ilə bağlı həqiqətlərin dünyaya çatdırılmasında ölkəmizə dəstək nümayiş etdiriblər.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.