Cəmiyyət

"Müharibə zamanı dağıdılan məktəblərimiz əvvəlkindən daha yaxşı şəkildə bərpa olunur" - Nazir

20 Fevral 2021 11:10

Baxış: 867

VTB-də minimal faiz dərəcəsi ilə nağd kredit 9.9%-dən

#TƏHSİL #MƏKTƏB

44 günlük Vətən Müharibəsi nəticəsində təhsilimiz həm yeri doldurulmayacaq insan itkiləri verdi, həm də məktəb infrastrukturuna ciddi ziyan dəydi. Bu müharibə 10 nəfər şagirdimizin, 20 nəfər müəlmimizin həyatına son qoydu, 54 təhsil müəssisəsi darmadağın edildi.

Milli.Az Trend-ə istinadən bildirir ki, bunu təhsil naziri Emin Əmrullayev deyib.

Onun sözlərinə görə, insan itkilərimizi bərpa edə bilməsək də, məktəblərimiz əvvəlkindən daha yaxşı şəkildə bərpa olunur:

"Qürurverici haldır ki, işğal altında olan torpaqlarımızın azad edilməsi üçün səfərbərliyə qoşulanların sırasında 20 məktəb direktoru, 32 direktor müavini, 671 müəllim şücaətlə mənfur düşmənə qarşı vuruşdu".

Nazir əlavə edib ki, Azərbaycan Ordusunun şanlı qələbəsinin tədris məzmununa üzvi şəkildə inteqrasiyasını təmin etmək məqsədi ilə "Azərbaycan xalqının tarixi qələbəsinin tədrisdə əks etdirilməsi haqqında" Təhsil Nazirliyinin Fəaliyyət Planı təsdiq olunmuşdur. Artıq dərslik müəllifərimiz və nəşriyyatlar "Qələbə dərsləri" adı altında müxtəlif fənn və sinifləri əhatə edən mövzular hazırlayıb Təhsil İnstitutunun rəsmi səhifəsinə yerləşdirmişlər. Müəllimlərimiz bu mövzuları virtual dərslərdə tədris edirlər, həmçinin teledərslərdə də qələbəyə həsr olunmuş süjetlər hazırlanıb.

Milli.Az