Cəmiyyət

MDB ölkələrinin vətəndaşları Azərbaycanda müvəqqəti qeydiyyat almaq üçün nə etməlidirlər?

11 Yanvar 2012 11:46

0 Şərh Baxış: 6 666

VTB-də minimal faiz dərəcəsi ilə nağd kredit 9.9%-dən

Milli.Az-ın məlumatına görə, bunu Day.Az saytına Miqrantların hüquqlarının müdafiəsi mərkəzinin direktoru Əlövsət Əliyev bildirib. "Azərbaycana vizasız gələn əcnəbilərin burada qalma müddəti 90 gündən artıq ola bilməz. Bu halda onlar yaşayış yerinə qeydiyyata düşmək üçün 3 gün ərzində Daxili İşlər Nazirliyinin pasport qeydiyyatı şöbəsinə müraciət etməlidirlər", - deyə Ə.Əliyev qeyd edib.

Ə.Əliyev bildirib ki, əcnəbi pasport qeydiyyatı şöbəsinə ona evində müvəqqəti yaşamaq icazəsi verən şəxsin ərizəsini, öz pasportunun, həmçinin ev sahibinin şəxsiyyət vəsiqəsinin surətini, Daşınmaz Əmlakın Dövlət Reyestri Xidmətindən mənzilə verilmiş çıxarışın notarial qaydada təsdiqlənmiş surətini təqdim etməlidir.

Əcnəbi qeydiyyatdan keçmədikdə o, 300 manat məbləğində cərimələnir.
Azərbaycanda müvəqqəti yaşama müddətini artırmaq istəyən əcnəbi isə burada yaşama müddətinin bitməsinə ən azı 7 iş günü qalmış Dövlət Miqrasiya Xpidmətinə müraciət etməlidir: "Azərbaycana viza əsasında gəlmiş əcnəbilərin burada qalma müddəti isə vizada göstərilmiş müddətlə müəyyənləşir".

Milli.Az