Cəmiyyət

TƏBİB: Karantin rejiminin yumşaldılması müzakirə edilir - VİDEO

26 Sentyabr 2020 23:07
Baxış: 4 199

Operativ Qərargah Azərbaycanda mövcud olan karantin rejiminin yumşaldılmasını müzakirə edir.

Milli.Az Day.Az-a istinadən xəbər verir ki, bu barədə TƏBİB-in sədri Ramin Bayramlı deyib.

Ticarət mərkəzlərinin yaxın zamanda açılması və toy və digər bu kimi şənliklərin keçirilməsinə icazə verilməsindən danışan Bayramlı, müəyyən qaydaların hazırlandığını qeyd etdi.

"Bu qaydaların paketi təsdiqlənəcək və epidemioloji vəziyyət pisləşməzsə, İnşallah, Operativ Qərargah qərar verəcək. Bu barədə ictimaiyyətə məlumat veriləcək", deyə Bayramlı bildirib.

Deputat və ekspertlər son günlərdə kütləvi tədbirlərin keçirilməsinə müəyyən məhdudiyyətlərlə icazə verilməsinin və ticarət mərkəzlərinin açılması barədə təkliflər irəli sürürlər. Bunun səbəbləri kimi sabit epidemioloji vəziyyət və rəsmi hesablamalara görə, pərakəndə və restoran biznesində 150 ​​mindən çox insanın çalışmasıdır.

Ticarət mərkəzinin fəaliyyətinə oktyabrın 1-dən, toyların isə bu il noyabrın 1-dən etibarən icazə verilməsi təklif olunur.

Azərbaycanda mövcud karantin rejimi 1 oktyabr tarixinədək qüvvədədir.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.