Cəmiyyət

Türkiyədən Azərbaycana iş tapmaq üçün gələnlərin sayı artıb

20 Noyabr 2019 21:59
10 Şərh     Baxış: 1 608

2019-cu ilin yanvar-oktyabr aylarında Türkiyədən Azərbaycana məşğulluq məqsədilə səfərlərin sayı artıb.

Milli.Az xəbər verir ki, bu barədə Trend-ə Türkiyənin Məşğulluq Xidməti Baş İdarəsindən (İŞKUR) bildiriblər.

Statistikaya əsasən, bu ilin ilk 10 ayında Türkiyədən Azərbaycana iş axtarmaq üçün gələnlərin sayı ötən ilin eyni dövrü ilə müqayisədə 38,5 faiz artıb.

İdarədən bildiriblər ki, bu dövr ərzində Azərbaycana səfər edənlərin sayı 36 nəfər olub.

Ümumilikdə hesabat dövründə 16,1 min nəfər Türkiyə vətəndaşı iş tapmaq üçün xaricə səfər edib. Bu, 2018-ci ilin yanvar-oktyabr ayları ilə müqayisədə 19,7 faiz azdır.

2019-cu ilin oktyabrında Türkiyədə İŞKUR xətti ilə 144,8 min nəfər işlə təmin olunub ki, bu da ötən illə müqayisədə 28,4 faiz çoxdur.

Bu dövrdə Türkiyədə işsizlərin sayı 4,039 milyon nəfər təşkil edib.

Milli.Az

loading...

Şərh yaz:

10 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.