Cəmiyyət

Azərbaycanda sürücülük vəsiqəsini dəyişmək üçün əlil nə qədər pul ödəməlidir?

25 Avqust 2011 14:21

Baxış: 2 955

VTB-də minimal faiz dərəcəsi ilə nağd kredit 10.49%-dən

Milli.Az xəbər portalı Day-Az-a istinadən bildirir ki, Pavel adlı daimi oxucu redaksiyaya müraciət edib.

"İkinci qrup əliləm, maşınım var. Əlillər və ahıl vətəndaşlar hər iki ildən bir tibbi komissiyadan keçir, onlara yeni sürücülük vəsiqəsi verilir. Bununla bağlı olaraq sualım var: tibbi komissiyadan keçmək və sürücülük vəsiqəsinin dəyişdirilməsi ilə bağlı hansısa imtiyazlarım varmı? Axı bu, yetərincə bahadır. Çünki tibbi komissiyadan keçmək 30 manatdır, yeni sürücülük vəsiqəsi almaq üçünsə dövlət rüsumu 20 manatdır. Mənimsə təqaüdüm o qədər də çox deyil", - oxucu yazıb.

Dövlət Yol Polisi Baş İdarəsinin ictimaiyyətlə əlaqələr şöbəsinin rəisi Kamran Əliyevin dediyinə görə, əgər əlil sürücülük vəsiqəsinin müddətini artırmaq üçün müraciət edibsə, o, heç bir rüsum ödəmir. 15 manat məbləğində dövlət rüsumu yalnız vətəndaşın köhnə sürücülük vəsiqəsini yenisi ilə əvəzləmək istədiyi zaman ödənilir.

A.Kazımov adına 1 saylı poliklinikanın həkimi Sevda Zamanova isə dedi ki, əvvəllər sürücülük vəsiqəsi üçün sağlamlıq arayışına görə 30 manat məbləğində dövlət rüsumu ödənilirdi. Lakin səhiyyə naziri Oqtay Şirəliyevin göstərişindən sonra həmin sənəd pulsuz verilir.

Milli.Az