Bunları etsəniz toz evinizdən “qorxacaq"

Toz sanki hərtərəfli təmizliyə baxmayaraq qəfil peyda olur. Rafların üzərində toplanır, əlçatmaz yerlərdə gizlənir və televizor ekranında nazik bir təbəqə şəklində özünü xatırladır.

Milli.Az bununla bağlı bəzi üsulları təqdim edir

Tozun çökməsinin qarşısını necə almaq olar?

Bəlkə də, tozu sadəcə silmək yox, onun yaranmasının qarşısını almaq üsulları da var? Məlum olur ki, düzgün yanaşma və bir neçə sadə üsul tozla mübarizəni gündəlik həyatın asan və hiss olunmayan bir hissəsinə çevirə bilər.

1. Əsas qayda - düzgün alətlərdən istifadə

Mikrofiber salfetlər tozu yaymadan özünə çəkir. Əlçatmaz yerlər üçün makiyaj fırçalarından, ventilyatorları təmizləmək üçün isə klaviatura fırçasından istifadə edin.

2. Tekstil məmulatlarını tez-tez yuyun

Pərdələr, örtüklər və yumşaq oyuncaqlar otaqda tozun yayılmasına səbəb olan hissəciklərin mənbəyinə çevrilir. Parçaları yumşaltmaq və allergenlərlə mübarizə aparmaq üçün paltaryuyan maşına bir az sirkə əlavə edin.

3. Xalçanı təmizləməzdən əvvəl duz səpin

Duz toz hissəciklərini özünə çəkəcək və tozsoranla asanlıqla təmizlənəcək.

4. Pəncərə torları və kondisioner filtrləri

Pəncərə torları küçədən gələn tozun qarşısını alır. Kondisioner filtrlərini mütəmadi olaraq təmizləmək havanı təmiz saxlayır.

5. Havanı təmizləyən bitkilər

Geran, xlorofitum və fikus kimi bitkilər havanı təbii yolla təmizləyərək tozu azaldır.

6. Nəmli təmizlik vacibdir, amma...

Nəmli təmizlik müntəzəm edilməlidir, amma suyun həddindən artıq istifadəsi səthlərə ziyan vura bilər.

7. Ətirli yağlar və antistatik spreylər

Çay ağacı efir yağı istifadə etmək toz yığılmasının qarşısını almağa kömək edir. Elektronika üçün antistatik spreylər də faydalıdır.

8. Əşyaları qapalı qutularda saxlayın

Tozun toplanmaması üçün əşyaları qapalı konteynerlərdə saxlayın. Dekorativ əşyaları isə parçayla və ya şüşə qapaqlarla örtün. //Lent.az

Milli.Az