Cəmiyyət

“İxlas” surəsinin fəzilətləri

24 Mart 2016 23:15
6 Şərh     Baxış: 23 415
VTB-də minimal faiz dərəcəsi ilə nağd kredit 10.49%-dən

Hədislərimizin nəzərinə görə, "İxlas" surəsinin savabı Quranın üçdə birini oxumağın savabına bərabərdir. Ona görə də o kəs ki, üç dəfə "İxlas" surəsini oxuyarsa, sanki Quranın hamısını oxumuş kimi olar. Allah Təala ona Quranı bir dəfə xətm etməyin savabını verər.
Milli.Az deyerler.org-a istinadən bildirir ki, Bədr döyüşündə müsəlmanlar qələbə çalırlar və bu qələbənin çoxunu onlara Əmirəl-möminin (ə) qazandırır. Həzrət Əli (ə) vuruşan zaman "İxlas" surəsini oxuyurdu və Həzrət Xızrın (ə) öyrətdiyi zikri zümzümə edirdi.
Bir nəfər Həzrət Peyğəmbərin (s) yanına gəlir və yoxsulluqdan şikayət edir. Həzrət (s) buyurur: "O zaman ki, öz mənzilinə daxil olursan və evdə heç kəs olmasa da salam ver və "Tövhid" ("İxlas") surəsini oxu". Həmin şəxs Peyğəmbərin (s) göstərişinə əməl edir və Allah nəinki ona, qonşularına da çoxlu ruzi verir.
Əmirəl-möminin (ə) buyurur: "Əgər kimsə yatan zaman yatağında qərar tutanda "Tövhid" ("İxlas") surəsini oxuyarsa, Allah 50 min mələyi məmur edər ki, onu həmin gecədə qorusunlar".
Başqa bir hədisdə oxuyuruq: "Hər kim "Tövhid" surəsini bir dəfə oxuyarsa - bərəkət ona nazil olar. Əgər iki dəfə oxuyarsa - bərəkət ona və əhlinə nazil olar, əgər üç dəfə oxuyarsa - bərəkət ona, əhlinə və qonşularına nazil olar".
İmam Sadiq (ə) buyurur: "Hər kim "Tövhid" surəsini oxuyarsa, dünya və axirət xeyri onun üçün cəm olar, öz günahları, ata və anasının günahları və övladlarının günahları bağışlanar".
Başqa bir hədisdə oxuyuruq: "Hər kim evindən bayıra çıxan zaman "Tövhid" surəsini 10 dəfə oxuyarsa, davamlı olaraq Allahın pənahında və qorumasında olar. Allah onu qoruyar o zamana qədər ki, mənzilinə salamat çatar".
Hər kim bu gözəl surəni ixlasla oxuyarsa, Allah bu surənin bərəkətinə görə hacətini yerinə yetirər. 
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.