PUL
"Əgər bu dünyanın Allah qatında ağcaqanadın qanadı qədər dəyəri olsaydı, Allah bu dünyada kafirlərə bir qurtum su belə içirtməzdi" kəlamının mənası nədir?
Milli.Az İslam.az-a istinadən bildirir ki, bu hədis Həzrət Mühəmməd Peyğəmbərin (s) Əbuzərə vəsiyyətlərindəndir. Hədisdə "ağcaqanad qanadı" ifadəsi ən kiçik və dəyərsiz əşya mənasında işlədilib. Qurani-kərimdə də ağcaqanad ən xırda canlı kimi göstərilib (Bəqərə, 26).
Hədisin mənası qısa şəkildə belədir: Allah həm bu dünyada, həm də axirətdə öz bəndələrinə mərhəmətlidir. Bu dünyada Allah bir kəsə nemət verəndə möminlə kafir, salehlə fasiq arasında fərq qoymur. Allah hamının ruzisini yetirir, bəzən günahkarların və haramxorların dolanışığı daha yaxşı olur. Amma axirətdə yalnız möminlərə və əməlisalehlərə rəhm ediləcək. Kafirlər və günahkarlar isə cəza alacaqlar. Deməli, bu dünyada qazanılan sərvətlər Allahın yanında qiymətli deyil. Əsil dəyəri olan axirətdəki mükafatdır.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.jpg)
