PUL
Bakı metrosunun "Qara Qarayev" stansiyası yaxınlığındakı yol müvəqqəti bağlanacaq
Daxili İşlər Nazirliyi (DİN) Bakı şəhər Baş Polis İdarəsi Dövlət Yol Polisi İdarəsinin İctimai qurumlarla əlaqə bölməsinin rəisi, polis polkovnik-leytenantı Vaqif Əsədov Trend-ə bildirib ki, Nizami rayonu ərazisində Heydər Əliyev Beynəlxalq Hava Limanından Qara Qarayev prospekti istiqamətində gedərkən prospektin metrostansiyaya yaxın hissəsi təmir-tikinti, asfalt örtüyünün yenilənməsi işləri ilə əlaqədər bu gündən qısa müddətə avtomobillərin hərəkəti üçün bağlı olacaq.
Onun sözlərinə görə, istirahət günləri nəzərə alınaraq yol bağlanır.
Bakı yol polisi sürücülərə alternativ yoldan istifadə etməyi tövsiyə edir.
Nəqliyyatı İntellektual İdarəetmə Mərkəzindən (NİİM) Trend-ə verilən məlumata görə isə, paytaxtın Keykab xanım Səfərəliyeva küçəsinin Üzeyir Hacıbəyov küçəsi ilə kəsişməsindən Neftçilər prospekti istiqamətində aparılan təmir işləri ilə əlaqədar yolda nəqliyyat vasitələrinin hərəkəti məhdudlaşdırılıb.
Sürücülərə alternativ olaraq Puşkin küçəsindən istfadə etmələri tövsiyə olunur.
---------
11:20
Bakıda mərkəzi yollardan biri təmir işləri əlaqədar bağlanacaq
Bu barədə Trend-ə Nəqliyyat Nazirliyi "Azəryolservis" ASC-nin mətbuat xidmətinin rəhbəri Pünhan Mürsəliyev məlumat verib.
Onun sözlərinə görə, paytaxtın Həsən Əliyev küçəsinin asfalt-beton örtüyünün dəyişdirilməsi işlərinə başlanır: "Yolun ümumi uzunluğu 3,4 km-dir. Lakin təmir işləri mərhələlərlə aparılacaq. İlkin olaraq təmir işləri yolun Koroğlu Rəhimov küçəsi ilə kəsişməsindən Atatürk prospekti ilə kəsişməsindəki tunelə qədər hissəsində aparılacaq. Başlanılan işlərlə əlaqədar bazar günündən bazar ertəsinə keçən gecə saat 00:00-dan başlanacaq. Bununla əlaqədar yolun həmin hissəsinin 5-6 gün ərzində bağlı olacağı gözlənilir".
P.Mürsəliyev qeyd edib ki, həmin istiqamətdə hərəkət edən sürücülərdən nəqliyyat vasitələrinin hərəkəti üçün alternativ yollardan istifadə etmələri xahiş olunur.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.jpg)
