PUL
Milli.Az Regional TV-yə istinadən bildirir ki, Azərbaycanda bitən göbələk növlərindən biri də quzuqarnıdır. Bitkinin digər göbələklərdən fərqi ildə 1 dəfə yalnız yaz fəslində yetişməsidir. Şabran rayonunun Ağalıq kəndində artıq 10 günə yaxındır ki, quzuqarnı yığılır. Meşədə, xüsusilə qovaq ağaclarının altında yetişən quzuqarnının yığılması heç də asan deyil. 7 növü olan bitkinin özünəməxsus bir sıra əlamətləri də var.
Bitkinin yığılması və tapılması əziyyətli olsa da, alıcısı boldur. Çünki insan orqanizmi üçün faydalı olan quzuqarnı min bir dərdin dərmanıdır. Vur-tut 20-25 gün ömrü olan quzuqarnını istixana şəraitində yetişdirmək qeyri-mümkündür. Bitkinin konservləşdirilmiş halda satışı da yoxdur. Bütün bunlar quzuqarnının qiymətinə və müştəri sayına müsbət təsir edir. Hazırda quzuqarnının bir kiloqramının qiyməti 30-40 manat arasında dəyişir.
Hələlik quzuqarnının yalnız sarı və qara növləri yetişib. Sakinlər bildirirlər ki, aprelin sonuna kimi bitkinin digər növləri də torpaqdan çıxacaq.
Milli.Az
Videonu izləmək üçün şəklə klikləyin.
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.jpg)
