Cəmiyyət

Doktorantlara təhsil aldıqları müddətdə hərbi xidmətə çağırışdan möhlət hüququnun verilməsi nəzərdə tutulur

22 Fevral 2013 12:17

0 Şərh Baxış: 293

VTB-də yüksək depozit faizleri daha çox qazandırır

"Doktorantlara təhsil aldıqları müddətdə həqiqi hərbi xidmətə çağırışdan möhlət hüququnun verilməsi nəzərdə tutulur". Trend-in məlumatına görə, bunu jurnalistlərə Milli Məcliisn Elm və təhsil komitəsinin sədri Şəmsəddin Hacıyev deyib.

"Hazırda doktorantlara təhsil aldıqları müddətdə möhlət hüququnun verilməsi nəzərdə tutulur. Ona görə də mənə elə gəlir ki, bu məsələ MM-də müsbət həll olunacaq.

"Onlar 3 il ərzində müdafiə edib, elmi dərəcə almalıdırlar",- Hacıyev deyib.

Deputatın sözlərinə görə, təcrübə göstərir ki, doktorantların heç 10 faizi də 3 il ərzində müdafiə edə bilmirlər. O qeyd edib ki, il ərzində cəmi 500 adam doktoranturaya qəbul olunur. Onların da yarıdan çoxu qızlardır.

Hacıyev deyib ki, elmə gənc insanlar gəlməlidirlər.

"Təcrübə göstərir ki, hərbi xidmətə getmək istedadlı gənclərin bir çoxunu elmdən uzaqlaşdırır. Bu məsələni qaldıracağıq. Bu məsələdə müstəsna səlahiyyət ölkə prezidentinə məxsusdur", - deyə deputat əlavə edib.

Milli.Az