İstixarə namazı necə qılınır?

Bu, İstixarəni tövsiyə edən bir çox rəvayətlərdə, dua edərək Allahdan xeyir istəmək mənasındadır.

Milli.Az İslamaz.com-a istinadən bildirir ki, başqa bir məna da vardır ki, o daha məşhurdur. İnsan bir işi görmək istədikdə onun nəticəsini qabaqcadan görə bilmirsə, əvvəlcə məşvərət və düşünmək vasitəsilə işi edib, ya etməməyin hansının daha üstün olmasını anlamalıdır. Əgər bu yolla bir nəticəyə çatmasa, habelə Allaha təvəkkül edərək yanına gediləsi bir nəfər də olmasa, aramçılıq tapmaq üçün istixarəyə mütəvvəssül olur (müraciət olunur). Bu yolla Allahdan kömək istənilir. İstixarənin müxtəlif növləri vardır ki, sizin sualınız o növlərdən birinə aiddir.
"Zatur-Riqa" istixarə namazı bu şəkildə qılınır. Bir iş görmək istədikdə, 6 vərəq götürərək onlardan üçünə:

بسم الله الرحمن الرحیم خیرة من الله العزیز الحکیم لفلان بن فلان افعل

"Bismillahir-Rəhmanir-Rəhim. Xiyərətən minəllahil-Əzizil-Həkim lifulan ibn fulan ifəl (Fulan ibni fulanın yerinə özünün və atanın adını yazırsan)"

digər üç kağıza isə: "إفعل" (İfəl) kəlməsi əvəzinə "لاتفعل" (La təfəl) kəlməsini yazırsan.Bunları etdikdən sona, həmin 6 kağızı səccadənin altına qoyaraq iki rükət namaz qıl (Sübh namazı kimi).Namazı qılıb qurtardıqdan sonra səcdəyə gedərək, yüz dəfə

"أستخیر الله برحمته خیرة فی عافیة"

(Əstəxirullahə birahmətihi xiyərətən fi afiyəh) de.

Sonra, oturaraq belə de:

"اللهم خر لی و اختر لی فی جمیع أموری فی یسر منک و عافیة"

(Allahummə xayyir li və ixtər li fi cəmii umuri və yəssir minkə və afiyəh).

Daha sonra əlinlə (səccadənin altındalı) kağızları qarışdıraraq, bir-bir çıxart. Əgər dalbadal üç "İfəl" çıxsa, etmək istədiyin işin arxasıyca get, üç "la təfəl" ardıcıl surətdə çıxsa, etmək istədiyin işin dalınca getmə və əgər biri "ifəl", digəri "la təfəl" çıxsa, beş vərəq çıxararaq onlara bax. Üç "ifəl" və iki "la təfəl" çıxsa, işi icra et, bunun əksi olsa işi yerinə yetirmə. Namazın qaydası bu idi. (Məfatihul-Cinan və Bələdul-Əmin c.1, s.159)

Milli.Az