Cəmiyyət

Dövlət Yol Polisi: Sürücülük vəsiqəsi üçün imtahan sualları dəyişməyib

8 İyul 2010 16:10

Baxış: 15 386

Bu barədə Daxili İşlər Nazirliyinin Baş Dövlət Yol Polisi İdarəsinin ictimaiyyətlə əlaqələr şöbəsinin rəisi Kamran Əliyev bildirib.

"İmtahan testlərinə yeni suallar bir müddət keçəndən sonra, yəni sürücülüyə namizədlər yol hərəkəti qaydalarına edilən əlavə və dəyişiklikləri mənimsədikdən sonra salınacaq", - Əliyev qeyd edib.

İyunun sonunda Azərbaycan Parlamenti növbədənkənar iclasda "Yol hərəkəti haqqında" Azərbaycan Respublikasının Qanununa əlavə və dəyişiklikləri qəbul edib. Azərbaycan Prezidenti İlham Əliyev yeni dəyişikliklərin iyulun 1-dən etibarən tətbiqinə başlanması barədə sərəncam imzalayıb. Dəyişikliklər ötmə qaydası, qeyri-standart siqnalların istifadəsi, arxa şüşələrin tünd rəngdə olması və s. ilə bağlı olub.

Yeni qanun avtomobili idarə edərkən mobil telefondan istifadə üçün cərimənin məbləğinin artırılmasını nəzərdə tutur.

Baş Dövlət Yol Polisi İdarəsinin şöbə rəisi onu da qeyd edib ki, imtahanlara hazırlıq üçün namizədlər internet şəbəkəsində göstərilən şablon vasitəsiləri deyil, "Yol hərəkəti haqqında" qanunu və İnzibati Xətalar Məcəlləsini əsas götürməlidirlər.

"Sürücülük vəsiqəsinin alınmasına iddialı olan namizəd konkret vəziyyətləri deyil, qanunvericilik bazasını öyrənməlidir. Bununla əlaqədar olaraq dövlət yol polisi şablon testlərdən istifadə etməməyi tövsiyə edir", - Əliyev vurğulayıb.

Trend