Cəmiyyət

Paytaxtda məşhur restoranda gecə saatlarında nələr baş verir?

8 İyul 2026 19:53

Baxış: 2 234

VTB-də minimal faiz dərəcəsi ilə nağd kredit 9.9%-dən

#RESTORAN

Paytaxtın Xətai rayonu, Nəsrəddin Tusi küçəsində fəaliyyət göstərən "Nağıl Bağ" restoranı ilə bağlı sakinlər narazılıqlarını ifadə ediblər. Onların sözlərinə görə, iaşə obyektində gecə saatlarınadək yüksək səslə musiqi səsləndirilməsi ətrafda yaşayan insanların rahatlığını pozur.

Milli.Az xəbər verir ki, sakinlər bildiriblər ki, restoran yaşayış binalarına yaxın ərazidə yerləşdiyi üçün xüsusilə gecə vaxtı musiqinin yüksək səsi onların istirahətinə mane olur. Onlar hesab edirlər ki, obyektdə səs-küyün səviyyəsinə daha ciddi nəzarət edilməlidir.

Məsələ ilə bağlı restoran rəhbərliyinin sözlərinə görə, müəssisə qanunvericiliyin tələblərinə uyğun fəaliyyət göstərir və canlı musiqi yalnız gecə saat 00:00-dək davam edir.

Restoran tərəfi səsləndirilən ittihamları qəbul etmədiyini bildirib. Nümayəndə bunu təsdiqləmək üçün təhlükəsizlik kameralarının görüntülərinin mövcud olduğunu vurğulayıb və qeyd edib ki, gecə saat 12-dən sonra səhnədə hər hansı musiqili proqram keçirilmir.

Onun sözlərinə görə, istənilən tarix üzrə videoyazılar yoxlanılaraq bu faktı təsdiqləmək mümkündür.

Müəllif: Aysel Əkbər (Milli.Az müxbir)