Cəmiyyət

Məktəb və bağça uşaqları risk altındadır - SƏBƏB

24 Aprel 2026 14:41
Baxış: 1 719
VTB-də minimal faiz dərəcəsi ilə nağd kredit 9.9%-dən
#CƏMİYYƏT

Son günlər Azərbaycanda uşaqlar arasında bronxit və digər ciddi tənəffüs yolu infeksiyalarının artdığı müşahidə olunur və bu hallar bəzi uşaqlarda qısa müddətdə pnevmoniyaya çevrilə bilir.

Milli.Az xəbər verir ki, valideynlərin sözlərinə görə, əvvəlki virus infeksiyalarından fərqli olaraq, hazırkı dalğa daha çox 39-40 dərəcəyə çatan yüksək hərarət və uzunmüddətli quru öskürəklə özünü göstərir. Bununla yanaşı, mütəxəssislər qeyd edir ki, xəstəlik bəzən açıq simptomlar olmadan da inkişaf edə bilər.

Məsələ ilə bağlı pediatr Günay Rəsulova bildirir ki, uşağın temperaturu adi üsullarla düşmürsə, valideynlər xüsusilə diqqətli olmalıdır:

"Qızdırma 3 gün, xüsusilə 5 gündən artıq davam edərsə, bu artıq pnevmoniya ehtimalını artırır və belə hallarda uşağın mütləq həkim müayinəsindən keçməsi vacibdir. Dəqiq diaqnoz isə lazım gəldikdə rentgen müayinəsi ilə təsdiqlənir. Bağça və məktəbə gedən uşaqlar, allergiyası olanlar və peyvəndləri vaxtında olunmayanlar bu infeksiyalara daha həssasdır".

Ağırlaşmaların qarşısını almaq üçün mütəxəssis mövsümi qrip peyvəndinin hər il vurulmasını tövsiyə edir. Vaxtında həkimə müraciət etmək isə uşağın tənəffüs sağlamlığını qorumaqda əsas rol oynayır. 

Asya
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.