Cəmiyyət

Məleykə Abbaszadə sertifikasiyadan keçən müəllimlərlə bağlı nazirliyə müraciət ETDİ

4 Fevral 2026 19:16

Baxış: 436

VTB-də minimal faiz dərəcəsi ilə nağd kredit 10.49%-dən

#TƏHSİL #MÜƏLLİM

"Marker (ekspert qiymətləndirici) kimi fəaliyyət göstərmək üçün Dövlət İmtahan Mərkəzi (DİM) tərəfindən təşkil olunan təlimlərə müəllimlərin qoşulmasına çağırış etmişdim. Məqsəd markerlərin sayını artırmaqdır".

Milli.Az xəbər verir ki, bu fikirləri "Azərtac"a müsahibəsində DİM-in İdarə Heyətinin sədri Məleykə Abbaszadə deyib. O bildirib ki, müəllimlərin sertifikatlaşdırma prosesindən uğurla keçənlər arasında fənlər üzrə ən yüksək nəticə göstərənləri təlimlərə cəlb etmək üçün Elm və Təhsil Nazirliyinə rəsmi müraciət ünvanlanıb.

DİM rəhbəri prioritetin yüksək nəticə göstərən müəllimlər olduğunu vurğulayıb: "Müraciətdə sertifikasiya imtahanlarında fənlər üzrə ən yüksək nəticə əldə edən müəllimlərin siyahısının bizə təqdim olunması xahiş edilib. Bu siyahı əsasında həmin müəllimləri marker təlimlərinə cəlb edəcəyik. Bizim üçün vacibdir ki, həmin müəllimlər öz fənlərindən 90 faizdən yuxarı nəticə göstərsinlər. Belə müəllimlərin sayı kifayət qədər deyil".

Milli.Az