Cəmiyyət

Azərbaycanda qripə yoluxma halları artıb: Əksəriyyəti uşaqlardır

22 Yanvar 2026 16:46

Baxış: 442

VTB-də minimal faiz dərəcəsi ilə nağd kredit 10.49%-dən

TƏBİB tabeli xəstəxanalara qrip səbəbilə müraciət edənlər çoxdur, amma bu günə qədər qrip səbəbilə ağırlaşmış xəstə halı qeydə alınmayıb.

Milli.Az xəbər verir ki, bunu TƏBİB-in icraçı direktoru Vüqar Qurbanov Yeni Klinikada ilk robotik cərrahi əməliyyatın icrasına dair brifinqdə çıxışı zamanı bildirib.

Vüqar Qurbanov edib ki, müalicələr əsasən stasionar şəraitdə aparılır və xəstələrin böyük əksəriyyəti uşaqlardır. Böyüklər arasında müraciətlərin sayı isə olduqca azdır.

"Stasionar müalicəyə cəlb olunan uşaqlar arasında ölüm və ya ciddi ağırlaşma halları müşahidə edilməyib".

Qrip virusunun yeni ştammlarının yaranması ilə bağlı sualı cavablandıran V.Qurbanov qeyd edib ki, bu istiqamətdə məlumatlar Səhiyyə Nazirliyinin müvafiq qurumları tərəfindən mütəmadi olaraq ictimaiyyətə açıqlanır.

Mina Mikayılova
Milli.Az