Cəmiyyət

328 mindən çox "sənədsiz" ev qeydiyyata alındı

16 Yanvar 2026 18:31
Baxış: 3 192
VTB-də minimal faiz dərəcəsi ilə nağd kredit 9.9%-dən
#MÜLKİYYƏT

2025-ci ilin yanvar-noyabr aylarında Azərbaycanda ümumilikdə 328 min 61 mülkiyyət hüququ dövlət qeydiyyatına alınıb.

Bu barədə Milli.Az-ın sorğusuna cavab olaraq Əmlak Məsələləri üzrə Dövlət Xidmətindən bildirilib.

Verilən məlumata görə, qeydiyyata alınan mülkiyyət hüquqlarının 64 min 366-sı fərdi yaşayış və bağ evlərinin, 85 min 424-ü mənzillərin, 166 min 494-ü torpaq sahələrinin payına düşüb.

Bundan əlavə nəzərə çatdırılıb ki, həmin dövrdə 2 832 yaşayış binası, 8 172 qeyri-yaşayış sahəsi, 667 əmlak kompleksi, 103 çoxmərtəbəli yaşayış binası və 3 çoxillik əkmə üzrə mülkiyyət hüququ rəsmiləşdirilib.

Qeyd edilib ki, qeydə alınan mülkiyyət hüquqlarının 91 min 917-si Bakı şəhərinin payına düşür. Qalan mülkiyyət hüquqları isə ölkənin müxtəlif regionlarında rəsmiləşdirilib.

Mina Mikayılova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.