Cəmiyyət

2026-da nəyə pul qoyaq? - Ev, maşın, qızıl...

27 Noyabr 2025 13:40
Baxış: 2 248
VTB-də minimal faiz dərəcəsi ilə nağd kredit 9.9%-dən
#EV #QIZIL

"2026-cı ildə yatırım edərkən şəxsi məqsədləri, risk səviyyəsini və likvidliyi nəzərə almaq vacibdir".

Bu sözləri Milli.Az-a açıqlamasında iqtisadçı Akif Nəsirli deyib.

Onun sözlərinə görə, ev uzunmüddətli sabitlik təmin edir, inflyasiyaya qarşı qorunma rolunu oynayır və icarəyə vermə imkanı var. Amma eyni zamanda qeyd edib ki, ev, ilkin kapital tələb edir və bazar qiymətləri dəyişə bilər.

Maşının əslində yatırım sayılmadığını deyən iqtisadçı bildirib kiI, onun dəyəri zamanla azalır:

"Avtomobil daha çox gündəlik ehtiyac və rahatlıq üçün sərfəlidir".

Qızıl və digər qiymətli metallardan danışan A.Nəsirli söyləyib ki, onlar inflyasiyaya və maliyyə böhranlarına qarşı sığınacaq rolunu oynayır, likviddir, amma uzunmüddətli gəliri məhduddur.

Fondlar və aksiyalar isə iqtisadçıya görə daha yüksək uzunmüddətli gəlir potensialına malikdir, likviddir və müxtəlif sektor və regionlara yatırım etməyə imkan verir:

"Bazar dalğalanmaları risk yaratsa da, gənc və orta yaşlı investorlar üçün əsas yatırım vasitəsi kimi qiymətləndirilə bilər".

Nəsirlinin fikrincə, kriptovalyutalar böyük gəlir potensialı təqdim edir, amma çox dəyişkəndir və yüksək risk daşıyır:

"Bu səbəbdən yalnız portfelin kiçik hissəsi üçün uyğun ola bilər".

Ümumilikdə iqtisadçı hesab edir ki, 2026-cı ildə ağıllı yatırım strategiyası riskləri bölmək və portfeli diversifikasiya etməkdir:

"Uzunmüddətli stabillik üçün ev və fond, aksiyalara yatırım etmək, böhran dövrləri üçün qızıl saxlamaq, yüksək risk və gəlir potensialı üçün isə kriptovalyutalara məhdud pay ayırmaq daha məntiqli yanaşmadır".

Mina Mikayılova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.