Cəmiyyət

Evlilər subaylardan daha xoşbəxt imiş - Araşdırma

30 Oktyabr 2025 19:00
Baxış: 965
VTB-də minimal faiz dərəcəsi ilə nağd kredit 9.9%-dən
#CƏMİYYƏT #ARAŞDIRMA

Alimlər evliliyin insanın xoşbəxtlik səviyyəsinə necə təsir etdiyini araşdırıblar.

Milli.Az xəbər verir ki, araşdırma "Personal Relationships" jurnalında dərc olunub.

Tədqiqat çərçivəsində ABŞ-da keçirilən Midlife in the U.S. (MIDUS) və Yaponiyada aparılan Midlife in Japan (MIDJA) adlı iki genişmiqyaslı sorğunun nəticələri təhlil edilib. Ümumilikdə 30 yaşdan yuxarı 4746 nəfər iştirak edib. Məlumat bazasına evli və subay şəxslər daxil edilib, vətəndaş və ya romantik münasibətdə olanlar isə araşdırmadan çıxarılıb.

İştirakçılar əvvəlcə ailə dəstəyinin səviyyəsini və münasibətlərdəki gərginliyi qiymətləndiriblər. Bir neçə il sonra keçirilən ikinci mərhələdə isə onlar öz fiziki sağlamlıqları və həyat məmnuniyyətləri barədə məlumat veriblər.

Nəticələr göstərib ki, həm ABŞ-də, həm də Yaponiyada subay şəxslərin sağlamlıq və həyat məmnuniyyəti göstəriciləri evlilərlə müqayisədə daha aşağıdır. Alimlər bunu əvvəlki tədqiqatların nəticələri ilə uyğun hesab edirlər, çünki bir çox araşdırmalarda da nikahın ümumi rifah səviyyəsinə müsbət təsir göstərdiyi sübut olunub.

Sinqapur İdarəetmə Universitetinin alimi Lester Sim bildirib ki, sosial normalar hələ də insanların nikaha və təkliyə münasibətini formalaşdırır. Onun sözlərinə görə, tək yaşayanlar həm ABŞ-da, həm də Yaponiyada ailə dəstəyinin azlığı və münasibətlərdəki gərginlik səbəbindən özlərini daha az xoşbəxt hiss edirlər.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.