Cəmiyyət

Bu avtobusların intervalı sərnişinləri cana yığdı

29 Oktyabr 2025 19:30

Baxış: 1 057

VTB-də minimal faiz dərəcəsi ilə nağd kredit 9.9%-dən

#CƏMİYYƏT

Bakıda M8 saylı marşrut xətti üzrə hərəkət edən avtobuslar arasında intervalın çoxluğu sərnişinlərin narazılığına səbəb olub.

Milli.Az xəbər verir ki, bu barədə vətəndaşlar şikayət edir.

Onların sözlərinə görə, M8 marşrut xətti üzrə işləyən avtobuslar arasında interval 20-25 dəqiqəyə çatır.

"Günün pik saatlarında yollarda qalırıq. Avtobus Maştağadan gəlir. Adam o qədər çox olur ki, hətta səhər saat 6-da da avtobusa minmək mümkün olmur. Çox əziyyət çəkirik, heç olmasa intervalı 10-15 dəqiqəyə endirsinlər", - deyə müraciətdə bildirilib.

Məsələ ilə bağlı Oxu.Az-ın sorğusuna cavab olaraq "BakuBus" MMC-nin mətbuat katibi Əsmər Əliyeva bildirib ki, qurumun istismarında olan M8 nömrəli müntəzəm marşrut xətti marşrut pasportuna əsasən, 10-11 dəqiqəlik intervalla fəaliyyət göstərir.
"M8 nömrəli xətt üzrə ümumilikdə 17 avtobus hərəkət edir. Lakin günün səhər və axşam pik saatlarında marşrutun keçdiyi Heydər Əliyev prospekti və Sabunçu-Zabrat şosesində, Seyid İbad Ağa, Ağa Nemətulla, Əbdüləzəl Dəmirçizadə, Təbriz küçəsi, Fətəli xan Xoyski prospekti istiqamətlərində, müşahidə edilən nəqliyyat sıxlığı səbəbindən avtobuslararası intervallarda artım müşahidə edilir.

Qeyd olunan saatlarda sərnişin sıxlığı ilə bağlı bildirmək istərdik ki, marşrutun başlanğıc istiqaməti olan Maştağa qəsəbəsindən səhər saatlarında şəhər istiqamətinə hərəkət edən sərnişin axınının artması səbəbindən bəzi sıxlıq halları müşahidə olunur.

Bu səbəbdən avtobus sayının artırılması ilə bağlı müvafiq ölçü götürülüb və hazırda monitorinq prosesi aparılır", - deyə M.Əliyeva vurğulayıb.

Milli.Az

Milli.Az - Xəbər Portalı

Bu avtobusların intervalı sərnişinləri cana yığdı

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?