Cəmiyyət

Uşaq ölü doğuldu - Ailə həkimləri ittiham edir

21 Aprel 2025 12:08
Baxış: 1 388
VTB-də minimal faiz dərəcəsi ilə nağd kredit 9.9%-dən
#HAMİLƏLİK #XƏSTƏXANA #DOĞUŞ

Xəbər verdiyimiz kimi, Zaqatalada doğuş zamanı körpə həyatını itirib.

Milli.Az xəbər verir ki, Muxax kənd sakini, 33 yaşlı Günel Əliyeva doğuş sancıları ilə xəstəxanaya yerləşdirilib və həkimlər tərəfindən təcili qeysəriyyə əməliyyatı aparılıb.

Əməliyyat zamanı dünyaya gələn oğlan uşağı ölü doğulub. Ailə bildirib ki, son müayinələrdə körpənin vəziyyəti normal qiymətləndirilib:

"Uzidə hər şey yaxşı qaydasında idisə, uşaq niyə dünyaya ölü gəlir? Bacımın ciddi problemi yox idi, Bakıda xəstəxanada yatdı hər şey qaydasında idi". 

Baş verən hadisə ilə bağlı Zaqatala Rayon Mərkəzi Xəstəxanasından Milli.Az-a verilən məlumata əsasən, 20 aprel 2025-ci il tarixində, saat 08:50 radələrində 1992-ci il təvəllüdlü, Muxax kənd sakini 34 həftəlik hamiləliklə Zaqatala Rayon Mərkəzi Xəstəxanasına daxil olub. 

"Baş gəlişi, uşaqlıqda çapıq, idiopatik trombositpenik purpura diaqnozları təyin edilən qadın dərhal əməliyyata alınıb. Əməliyyat zamanı cinsi oğlan, çəkisi 2.700 qram, boyu 50 sm olan ölü döl xaric olunub.

Hazırda ananın vəziyyəti stabildir".

Qeyd edək ki, körpənin ölüm səbəbinin müəyyənləşdirilməsi üçün meyit Məhkəmə-Tibbi Ekspertiza və Patoloji Anatomiya Birliyinin Zaqatala şöbəsinə göndərilib. Faktla bağlı rayon prokurorluğu tərəfindən araşdırma aparılır.

Aysel Əkbər
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.