Cəmiyyət

Zirəddin əsəbiləşdi: "2 həftə əvvəl.."

10 Mart 2025 18:02
Baxış: 1 977
VTB-də minimal faiz dərəcəsi ilə nağd kredit 9.9%-dən
#DÜNYADA #CƏMİYYƏT

Respublika Seysmoloji Xidmət Mərkəzinin baş direktoru Qurban Yetirmişlinin sözlərinə görə, son bir sutka ərzində Azərbaycanda 80-dən çox yeraltı təkan baş verib. 

Milli.Az xəbər verir ki, eyni dövr ərzində bir neçə zəlzələ qeydə alınıb. Saat 04:01-də İsmayıllı rayonunda 3,7 maqnitudalı zəlzələ olub, ardınca səhər saatlarında Lerik rayonunda 4 bal gücündə zəlzələ baş verib. 

Rəsmi açıqlamada bildirilir ki, zəlzələ episentrdə 4, Lerik, Yardımlı və digər rayonlarda 3-4 bala qədər hiss olunub.

Maraqlı məqam odur ki, yaxın günlərdə kliniki psixoloq, ekstrasens Zirəddin Rzayev dəhşətli zəlzələ olacağı proqnozunu verib. Ekstrasens bu barədə Teleqram kanalında paylaşım edib. Paylaşımda bildirilib ki, 24 fevraldan 10 marta qədər zəlzələ və vulkan püskürmələrinin aktiv günləridir. 

Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin informasiya şöbəsinin müdiri Vüsalə Rafiqqızı isə proqnozla bağlı qeyd edib ki, dünyanın heç bir seysmoloqu, alimi zəlzələnin olacağı günü, ayı, saatı təyin edə bilməz. O, Zirəddini "falçı" adlandıraraq şərh verməkdən imtina edib.

Proqnoz düz çıxandan sonra Zirəddin ona inanmayan V.Rafiqqızı ilə bağlı paylaşım edib:

"Vüsalə Rafiqqızı adlı tanımadığım bu xanıma sual vermək istərdim. Sizin mərkəzin deyə bilmədiklərini biz iki həftə öncədən dedik. Bəs nə oldu? Sizin işiniz oturub oradan bizlərə şərh verməkdir? Son 15-20 ildə sizin seysmoloji xidmətinizdə nə yeniliklər var? Hansı elmi məqalələrin müəllifisiz ?". /Sfera.az 

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.