Cəmiyyət

İnternetdə avtomobilini satmaq istəyən şəxslərin DİQQƏTİNƏ

5 Fevral 2025 20:43

Baxış: 471

#CƏMİYYƏT

Avtomobil sahibi Sərxan Ələkbərzadəyə internetdə avtomobilini satmaq məqsədilə elan yerləşdirdikdən qısa müddət sonra şübhəli bir telefon zəngi gəlib.

Milli.Az xəbər verir ki, iddialara görə, zəng edən şəxslər avtomobili bəyəndiklərini və almaq istədiklərini bildiriblər. Lakin bu təklifin ardınca fərqli bir davranış müşahidə olunub. Qadın şəxsiyyət vəsiqəsini "WhatsApp" vasitəsilə göndərməyi tələb edib, eləcə də bank vasitəsilə 5000 manat beh göndərəcəklərini qeyd edib. Hazırda Gürcüstanda olduğunu bildirən şəxslər qalan məbləğin isə növbəti ayın 11-i Sumqayıta gələndə görüşərək ödəyəcəyini bildiriblər.

Avtomobil sahibi isə zəngin gəldiyi əlaqə nömrəsinin Rusiya qeydiyyatlı olduğunu bildirəndə onlar iş nömrəsi olduğu deyiblər:

"Şəxsiyyət vəsiqəsini istədiyi üçün şübhələnmədim ilk dəfə. Biz bu söhbəti "Whatsapp" vasitəsilə edirik,amma onlar kameranı bağlamışdılar, biz isə görünürdük. Vəsiqəni atdım.Dedi indi sizə kod gələcək onu bizə deyin.Telefon nömrəmə kod gəldi,xəbərdarlıqla bir yerdə, o zaman artıq məsələni başa düşdüm".

Avtomobil sahibi son anda qurban olmaqdan xilas olub.
Qeyd edək ki, bu kimi halların xüsusilə şəxsiyyət vəsiqəsinin tələb edilməsi və pul köçürmələri ilə bağlı xəbərdar olmağınız vacibdir. Bank kartı istəyindən fərqli olaraq, şəxsiyyət vəsiqəsi tələb edilməsi şübhəli hərəkət kimi qiymətləndirilə bilər. Avtomobil sahibləri və alıcılar arasındakı bu cür əlaqələrdə ehtiyatlı olmaq, bu cür fırıldaqlardan qorunmaq üçün vacibdir.

Aysel Əkbər
Milli.Az