Cəmiyyət

Bu dəfə məktəbdə şagirdlər yox, valideynlər dalaşdı

9 Yanvar 2025 11:12

Baxış: 1 770

VTB-də minimal faiz dərəcəsi ilə nağd kredit 9.9%-dən

Sosial şəbəkələrdə 158 saylı məktəbin həyətində valideynlər arasında dava ilə bağlı video yayılıb.

Milli.Az xəbər verir ki, hadisənin səbəbi məlum olmasa da, hər 2 qadın bir-birilərinə xəsarət yetiriblər.

Məsələ ilə bağlı Daxili İşlər Nazirliyinin Mətbuat Xidmətindən bildirilib ki, 18 dekabr 2024-cü il tarixində mübahisə tərəfləri şikayət ərizələri ilə ərazi üzrə polis şöbəsinə müraciət ediblər:

"Onların izahatları alınıb, araşdırma zamanı hadisə yerinə baxış keçirilib və protokol tərtib edilərək materiala əlavə edilib. İnsidentin hərtərəfli araşdırılması, tərəflərin hadisə zamanı aldıqları xəsarətlərin dərəcəsinin müəyyən edilməsi məqsədi ilə hər iki şəxs ekspertizaya göndərilib.

Polis İdarəsində prosessual araşdırmalar davam etdirilir. Araşdırmanın nəticəsindən asılı olaraq hərəkətə hüquqi qiymət veriləcək".

İnqilab Məmmədov
Milli.Az