Cəmiyyət

Arvad ölməzdən qabaq vəsiyyət edir ki, onu ərinin qəbrinin içində dəfn etsinlər....

1 Dekabr 2023 00:30

Baxış: 1 569

VTB-də minimal faiz dərəcəsi ilə nağd kredit 9.9%-dən

#DİN

İslam şəriətinə görə müsəlman şəxsin özü kimi cənazəsi də ehtirama layiqdir və ona qarşı hörmətsizlik etmək olmaz. Şəriətə görə mərhum şəxsin qəbrini zəruri ehtiyac olmadan açmaq günahdır. Ən zəruri hallarda, məsələn, cənazə halallığı alınmamış məkanda dəfn edilsə, təhqirə məruz qalacağı dəqiq bilinsə, sel, zəlzələ və s. nəticəsində qəbir dağılsa, ölü ilə bərabər son dərəcə zəruri və ya bahalı bir əşya qəbirə qoyulmuş olsa, mərhumun öldürülməsi ehtimalı ilə bağlı tibbi ekspertiza tələb edilsə, qəbri açmağa icazə verilir. Bu hallar baş vermədən bir ölünün qəbrini yalnız o zaman açmaq olar ki, cəsədin tamamilə (sümüklər də daxil olmaqla) çürüyüb torpağa qarışmasına əminlik olsun. Bu halda həmin qəbirin yerində başqa ölünü basdırmağa icazə verilər. Lakin ər və arvadın ölüm tarixləri arasındakı fasilə adətən buna imkan verəcək qədər uzun olmur. Ona görə bu cür vəsiyyət edən şəxsə bunun mümkün olmadığını başa salmaq və vəsiyyətini dəyişməsini tələb etmək lazımdır. Vəsiyyət şəriətə uyğun olmadığı üçün ona əməl etmək də lazım deyil.

Milli.Az