Cəmiyyət

Azərbaycanda sərt karantin gözlənilirmi? - AÇIQLAMA

6 İyul 2022 20:41
1 Şərh     Baxış: 2 514
VTB-də minimal faiz dərəcəsi ilə nağd kredit 9.9%-dən

Son günlər dünyada koronavirusa yoluxma hallarının artması karantin qaydalarının yenidən sərtləşdirilməsi mövzusunu gündəmə gətirib. Artıq bəzi ölkələr yoluxmanın qarşısını almaq üçün önləyici tədbirlər görməyə başlayıblar. İnfeksionistlər isə həyəcan təbili çalaraq bildirirlər ki, payıza doğru pandemiyanın yeni dalğası gələcək, bu səbəbdən qapanmalar qaçılmaz olacaq. 

Bəs, yoluxmalar artsa, Azərbaycanda da karantin qaydalarının yenidən sərtləşdirilməsi gözlənilirmi?

Milli.Az bildirir ki, bu barədə modern.az-a danışan həkim Aydın Əliyev hazırki durumda koronavirusa yoluxma sayının artmasının normal olduğunu düşünür. Ölkəmizə gəlincə, həkim təşvişə düşməyə ehtiyac olmadığını söyləyib.

"Məsələn, Çin böyük ölkədir, əhalinin sayı həddən artıqdır. Buna görə də orada peyvənd olunmayanların, virusa yoluxmayanların sayı çoxdur. Təkrar yoluxma sayının böyük ölkələrdə artma ehtimalı daha yüksəkdir. Ancaq bizim ölkəmizdə yoluxmanın artması aktual məsələ deyil. Artsa belə, bu sadəcə mövsümi qrip xəstəliyi kimi keçəcək. Məncə, bundan sonra karantın qaydalarının tətbiqinə və sərtləşdirilməsinə ehtiyac yoxdur. Tam əminliklə deyirəm ki, sərt karantin və qapanmaya ehtiyac olmayacaq", - deyə Aydın Əliyev vurğulayıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.