Cəmiyyət

“Yetər, Ramiz Mehdiyev, paltonu götür və o müqəddəs ocağı tərk elə!”

20 Yanvar 2022 23:37

5 Şərh Baxış: 7 440

#CƏMİYYƏT

Xəbər verdiyimiz kimi, Azərbaycan Milli Elmlər Akademiyasının prezidenti Ramiz Mehdiyev ötən gün keçirilən Rəyasət Heyətinin iclasında Tarix İnstitutu ilə bağlı sərt fikirlər səsləndirib. Qurum rəhbəri sözügedən İnstitutda qeyri-sağlam iş mühiti olduğunu qeyd edib.

Məsələyə Tarix İnstitutun baş direktoru, tarix elmləri doktoru, professor Kərim Şükürov da münasibtə bildirib. O, sabah, 21 yanvarda Ramiz Mehdiyevin fikirlərinə etiraz olaraq, digər tərəfdən isə demokratik ənənələri əsas götürərək, nəinki tutduğu vəzifədən, o cümlədən, Ramiz Mehdiyevin rəhbərlik etdiyi AMEA sistemindəki bütün işləridən istefa verəcəyini bildirib.

Milli.Az "qafqazinfo"-ya istinadən xəbər verir ki, AMEA-da yaranmış qalmaqala millət vəkili Fəzail Ağamalı da münasibət bildirib: "Bütün varlığı ilə işıqlı, milli insanlarımıza qənim kəsilən "Boz kardinal" nəhayət daha bir təmiz imici olan professor, görkəmli tarixçi alim Kərim Şükürovu hədəfə alıb, utanmadan, usanmadan özünün fövqündə dayanan alimi mənəvi repressiyaya hədəfləyib. Yetər, Ramiz Mehdiyev, paltonu götür və o müqəddəs ocağı tərk elə!" - deyə deputat AMEA rəhbərinə etiraz edib.

Milli.Az