Şou-biznes

"Dəniz olan səhnə sentyabrın sonlarında çəkilib, soyuqdan ikimiz də əsirdik..."

30 Noyabr 2021 11:30

0 Şərh Baxış: 1 452

VTB-də minimal faiz dərəcəsi ilə nağd kredit 9.9%-dən

#ŞOU-BİZNES

"Bu gün heç bir filmdə çəkilməyə həvəsim yoxdur. Vaxtında "Baladadaşın ilk məhəbbəti" filmində baş rolda çəkilmişəm, ondan sonra 100 filmə də çəkilsəm bu filmə çatan olmaz. Bu film indiyə qədər sevilir və baxılır. Bundan sonra da sevilib baxılacaq, çünki orada Ruhəngiz Musəvi çəkilib (gülür). Retro filmlərin yerini indiki filmlər vermir. Bu gün yalnız can sağlığı istəyirəm. Həm özümə, həm də hamıya"

Milli.Az xəbər verir ki, bunu Moderator.az-a açıqlamasında əməkdar artist Ruhəngiz Musəvi deyib. O daha sonra filmdən danışaraq əlavə edib.

"Filmdə üzümü başqa yerdən götürüb budağa sancmışdılar. Kadr bir neçə dubl çəkilirdi. Mən də hər dublda üzümü yeyirdim. Birdən rejissor mənə dedi ki, ay Ruhəngiz, üzümü yeyib qurtardın ki? (gülür). Filmin çəkilişlərinə gec başlamışdılar, artıq yay bitirdi. Çünki baş qəhrəmanları çox axtarmışdılar, gec tapmışdılar. Dəniz olan səhnə sentyabr ayının sonlarında çəkilib. Soyuqdan ikimiz də əsirdik. Bir neçə il bundan əvvəl efirdə mənim doğum günüm keçirilirdi. "Baladadaşın ilk məhəbbəti" filminin çəkilməsindən də 39 il keçmişdi. 39 ildən sonra gedib filmin çəkildiyi yeri tapıb, lentə almışdılar. Həmin bağ indiyə qədər durur. Bu mənim üçün böyük sürpriz idi. Bu film və obrazım məni tamaşaçılara daha da çox sevdirdi. Tamaşaçılar məni harada görürlər deyirlər ki, biz sizi o filmdən sevirik. Film tarixdir! Hər zaman filmin rejissoru Fikrət Əliyevə zəng edib təşəkkürümü bildirirdim ki, siz məni tarixə salıb, filmə çəkdiniz. O da deyirdi ki, bu sənin qismətindir" deyə sənətçi bildirib.

Milli.Az