Şou-biznes

Qardaşını itirən Vüsalədən ürək dağlayan paylaşım - "ürəyimdə bir ömür köz tutmayacaq yara buraxdın"

11 Oktyabr 2021 19:18
6 Şərh     Baxış: 1 708

"Hər gəlişim bir başqa acılı, nisgilli, şikayətli, niyələrlə dolu... Bu gün 2 aylıq 20 ilə bədəl acımı, can yanğımı, mənə ehtiyacla baxan gözləri, qalx deyən içimdəki gücü toparlayıb hesabat verməyə gəldim görüşünə... 9 il öncə, əlimin içində körpə bir əl həyatım darmadağın məni bağrına basıb sən bacaracaqsan, güclüsən, səni mən tanıyıram, qulağını kar, gözünü kor, dilini lal edəcəksən və arxanda mən varam. Sən bu gündən bacım yox qardaşımsan demişdin".

Milli.Az axşam.az-a istinadən xəbər verir ki, bu sözləri aparıcı Vüsalə Əlizadə sosial şəbəkədə yazıb. İki ay əvvəl dünyasını dəyişən qardaşı Əlihüseyn Əlizadənin fotosunu yayımlayan aparıcı bunlarə əlavə edib:

"Çoxmu yaxşı gəldim tapşırıqlarının öhdəsindən? Bu gün əlimdə körpə əllər, çiynimdə dünya yükü, evimdə yaşı qurumayan gözlər, arxamda qara mərmər, ürəyimdə bir ömür köz tutmayacaq yara buraxdın... Yerini heç kimin gücü, sözü, təsəllisi doldurmur, ay sıramızı pozanım, ay cavan ömrü yarımçıq qalanım, ay həyatdan doymayanım, əhd yerim, and yerim... Yoxluğun həyatımı alt-üst etdi, amma yenə də sənə söz verdiyim kimi, lal, kar, kor həyata davam edəcəyəm, anamıza, balalarımıza, sənin adına, mənə həvalə etdiyin əmanətlərinə, arzularına görə... Yanına gələn günə qədər bu yük mənim həyat borcumdur. Borcumu ödəmək üçün uzun bir yola çıxıram, sınaqlarla dolu, acılardan, zərbələrdən yoğrulub daha güclü, iradəli və iddialı, sənin kimi, sənə yaraşacaq tərzdə.

Allahım səni cənnəti ilə mükafatlandırsın, başımın tacı, etdiyin xeyir əməllər, yaxşılıqlar, dürüstlüyün, mərdliyin, bu dünyada kişi kimi borcunu ödəməyin, Vətən uğrunda can verdiyin, əzab-əziyyətlərin savab əməl dəftərinə yazılsın.

Heç kimə, heç bir açıqlama vermək məcburiyyətim, borcum yoxdur, amma təminatında durmam gərəkən böyük bir ailəm var! Bu çətin sınağımda yanımda olan bütün doğmalarım, dostlarım, əzizlərim, tamaşaçılarım, izləyicilərim, məndən bu açıqlamanı gözləyən dəyərlilərim var olun. Haqqınızı halal edin".

Qeyd edək ki, V.Əlizadə bir müddət əvvəl qardaşı Əlihüseyn Əlizadəni itirib. O, avtomobil qəzasında dünyasını dəyişib. Mərhum Dövlət Sərhəd Xidmətinin zabiti olub.

Milli.Az

35 000 AZN-dək krediti ONLAYN sifariş et!

Şərh yaz:

6 Şərh:

  • Anonim
    AS · 11 Oktyabr 20:3730

    Bu böyük bir aci .Allah səbr versin .Varligini ,yaddaşini,ürəyini göynədə göynədə yaşayacaqsan. Həyat davam edir ................................

    Cavab yaz
  • Anonim
    asi · 11 Oktyabr 20:5334

    Ölənə rəhmət..Görəsən mərhumun vəzifəsinin mərmərə həkk olunması o tərəfdə nəyisə dəyişir?? ..Yoxsa, qonşuluğundakı qəbirlərə göstəridi?? İstəyirsən qızıl həriflərlə yaz, almazdan bəzəklər vur, kəfənə bürünüb torpağa girdiyin andan etibarən artıq bir heçsən, çürüməyə hazırlaşan tullantısan, bakteriyalar üçün təzə yemsən..Əgər millətin səni yaşatmaq üçün bir səbəbi yoxdursa, qəbirə həkk olunan vəzifən lap DSX generalı olsun, yenə də Allah rəhmət etsin, günah öləndə yox, ölü yiyələrindədi, qəbirdən də reklam vasitəsi kimi istifadə edirlər..

    Cavab yaz
    • Anonim
      Sumqayıt · 11 Oktyabr 21:3232

      O dünyaya heç kim vəzifəsi ilə getmir, hamı eynidir, 2 metrlik ağ parçaya bükülür..Mərmərə yazı yazmaq istəyən o zaman mərhumun yaxşı əməllərini yazsın, yaşadığı müddətdə nə qədər savab iş görüb və hansılardır ,yox yaza bilmirsə, o zaman ad, soyad,ata adı,doğum və ölüm tarixini yazıb, Ailəsindən xatirə sözü ilə də yekunlaşdırsın..

      Cavab yaz
      • Anonim
        N · 12 Oktyabr 00:3903

        Siz özünüzə elə yazdirarsiz

        Cavab yaz
        • Anonim
          Sumqayıt · 12 Oktyabr 08:1710

          N-ya..Özünüzə yazdırarsınız dedikdə mən hər kəsin başdaşına yazılacaq sözləri yazdım..Mənim yazdıqlarım standartdır,belə yazılmalıdır, siz istəsəniz başdaşınızda şəklivizin yanına Kardaşyanla, Bayram Nurlunun şəklini də vurdurarsınız, altından da Şəbnəm, Damlanın mahnılarının sözlərini yazdırarsınız..Ok??

          Cavab yaz
      • Anonim
        asi · 12 Oktyabr 09:3511

        Doğru qeyd etmisiniz..

        Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.