Şou-biznes

"Buna dözmək lazımdır"

14 Yanvar 2021 19:35
Baxış: 2 626
VTB-də minimal faiz dərəcəsi ilə nağd kredit 9.9%-dən
#ŞOU-BİZNES

Gündə efirlərdə olsam da, evdə kitablarla, şeirlərlə məşğul olsam da, ikinci evim üçün çox darıxmışam. Az deyil, 31 ildir teatrda 1 gün belə fasilə vermədən çalışmışam.

Milli.Az axşam.az-a istinadən bildirir ki, bu sözləri Xalq artisti Məleykə Əsədova sosial şəbəkə hesabında yazıb. 9 aydır səhnəyə çıxmayan aktrisa teatr üçün darıxdığını dilə gətirib:

"Teatr bizim ikinci evimizdir. Doğma məkanımızdır! Orada əsrləri fəth edən neçə-neçə insan taleləri yaşayırıq.
Bir insan öz taleyini, Allahın verdiyi ömrü bu keşməkeşli həyatda taleyindən razı, narazı və yaxud da xoşbəxt formada yaşayır. Amma biz aktyorlar səhnədə, neçə-neçə insan talelərini canlandırırıq. Buna dözmək gərəkdir. Orada bəzən bədbəxt, bəzən xoşbəxt talelər yaşayırıq. Xəstəni, kraliçanı, balerinanı, bəzən isə nakam məhəbbətə uğrayan insanı canlandırırıq.

Bəli, bu, aktyor həyatıdır. Kənardan asan görünən, amma əslində hədsiz çətin olan sənətdir. Mükafatı tamaşaçı alqışıdır. Ürəyimizi, həyatımızı səhnəyə qurban verdiyimiz aylar, illər...

8-9 aydır səhnəyə çıxmıram. Bu ilk dəfədir belə olur. Amma bu aylar ərzində boş vaxtım da olmayıb. Çoxlu muxtəlif janrlarda şeirlər hazırlamışam. Obrazlarımız, sənət dostlarım, səhnə işçiləri, ən əsas səhnənin iyi və tozu üçün darıxmışam. Mən səhnə üçün doğulmuşam!".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.