"Rəqsanə Faiqə qarşı" qalmaqalı getdikcə böyüyür - YENİLƏNİB

20:03

Milli.Az Day.Az-a istinadən bildirir ki, artıq Rəqsanənin sabiq prodüseri və onun keçmiş sevgilisi ilə yanaşı, müğənninin yeni rəfiqəsi Lalə də şikayət ərizəsi ilə Bakı Şəhər Prokurorluğuna müraciət edib.

Lalənin dediyinə görə, bunun səbəbi müğənni Rəqsanənin onun fotolarını tərbiyəsiz sözlər və Lalənin telefon nömrəsi ilə müşayiət edərək İnternetdə yaymasıdır.

Rəqsanə isə Day.Az-a bildirib ki, ANS telekanalındakı verilişlərdən birinin efirində olarkən Laləni ilk dəfə orada, pərdə arxasında görüb.

"Bu, artıq gülməlidir. Sabiq prodüserimə keçmiş dostumun indiki sevgilisi də qoşulub. Onun məndən nə istədiyini sabah araşdırmalı olacağam", - Rəqsanə deyib.

----------
19:28

Müğənni Rəqsanə İsmayılova və prodüsseri Təranə Səmədova arasında baş verən qalmaqalda adı hallanan Faiq Azayev də mövqeyini açıqlayıb. Belə ki, Faiq Azayevin etibarnamə üzrə nümayəndəsi olan vəkil Qurban Məmmədov müdafiə etdiyi şəxsə qarşı irəli sürülən ittihamlara ANS televiziyası vasitəsilə aydınlıq gətirib.

Rəqsanə İsmayılova Faiq və onun qardaşı Fərid tərəfindən döyüldüyünü iddia edir: "İki qardaş məni maşına otuzdurdular, apardılar. Onların KK 230 dövlət nişanlı maşınları var. Anama zəng vurdum, o da "102"yə zəng vurdu. Yığdılar məni, qorxumdan dedim sağ-salamatam. Yanımdadırlar axı, döymüşdülər məni. Qardaşımın oğlunu qaçırtdılar".

Faiq Azayevin etibarnamə üzrə nümayəndəsi Qurban Məmmədov isə müğənninin ittihamlarını ağ yalan adlandırır: "Rəqsanə İsmayılova müğənni olmasından istifadə edir, üstəlik, vurduğu maşının məbləğini ödəməmək üçün bu cür böhtanlara əl atır. O, məşhurluğundan istifadə edir. Hər gün efirə çıxa bilir, ona görə belə bir hadisə olsaydı, efirə çıxıb xəsarət aldığını deyərdi. Hamısı boş sözlərdir".

Qurban Məmmədovun sözlərinə görə, Rəqsanə İsmayılova bir xəbər portalına verdiyi müsahibədə Faiq Azayevə məxsus maşının özünə məxsus olduğunu və vurduğu maşının məbləğinin müəyyən hissəsini ödədiyini deyib. Vəkil, "Rəqsanə deyib ki, maşın özümündür, sadəçə əvvəlki yiyəsinə 140 min manatdan 40 minini ödəmişəm. Qalanını da ödəyəçəm, amma yalan deyir, ödəməyib", - deyir.

Müğənninin borclu olduğu şəxsə cəmi 15-20 min manat arası pul verdiyini deyən vəkil, həm də başqa bir informasiya ilə bizi təəccübləndirdi. Qurban Məmmədovun sözlərinə görə, Rəqsanə Faiqə təkcə bir maşının yox, iki maşının pulunu verməlidir: "Rəqsanə Faiqə deyib ki, sən get özünə "Range Rover" al, mən ödəyəcəm. Yalandan deyib, o da gedib alıb. Rəqsanə də ödəməyib. Bu adam tamam yalançıdır".

Qurban Məmmədov onu da bildirib ki, baş verənlərlə bağlı Faiq Azayev Bakı şəhər Prokurorluğuna, Nərimanov rayon Polis İdarəsinə müraciət edib. Hazırda təhqiqat işləri aparılır.

Milli.Az