Şou-biznes

"Yoxsulluq ən böyük bədbəxtlikdir" - Əməkdar artist

22 May 2020 20:03
0 Şərh     Baxış: 4 202
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İndi ancaq "Salam. Sən yaxşısan, mən də yaxşıyam" deyib, yola verəsən. Dost yoxdur. Deyir, özümü düşməndən qoruyuram, Allah dostdan saxlasın. Adamı dost arxadan vurar. Adamdan ancaq umurlar. Əvvəl belə deyildi. Məni qızılıma, evimə görə sayacaqsansa, heç illərlə istəmə.

Milli.Az axşam.az-a istinadən xəbər verir ki, bu sözləri Əməkdar artist Gövhər Rzayeva "7 canlı" verilişində deyib. Qarmon ifaçısı qızı Ülkərin həyatından danışıb. O bildirib ki, övladının ilk ailəsi uğursuz alınıb:

"Allah ananı övladla, yoxsulluqla imtahana çəkməsin. Balama görə çox çətinliklər çəkdim. İndiki zəmanədə yoxsulluq ən böyük bədbəxtlikdir. Allah heç kimi heç kimə möhtac etməsin. Çox verib qudurtmasın, az verib kiməsə möhtac etməsin. Birdən çox olanda görürsən əl-ayağın oynayır. Eyni qaydada versin, orta səviyyədə yaşa.

Hərdən verilişlərə baxıram, qız qoşulub qaçır. Ya da ailə qurub, onun həyatı gətirmədi. Ana-ata qəbul etmir. Onu niyə küçəyə buraxırsan? Övlad bədbəxt olanda ata-ananın üstünə gələr. Analara deyirəm ki, uşaqlarınızdan keçməyin. Küçə ilə gedəndə də enişli-yoxuşlu, çamurlu yol olur. Həyat da belədir. Övladın da yıxılmağı, durmağı var.

Aciz olsan, həyat səni bastalayacaq. heç kimə övlad dağı arzulamıram. Valideynin qol-qanadı sınır. Qızım deyir ki, ana, dünyanı dəyişsən, orda səndən sorusalar ki, kimi görmək istəyirsən, cavab ver Ülkəri. Burada sənsiz baş çıxara bilmərəm. Hərdən deyir ki, niyə taleyim belə oldu? Deyirəm ki, özündən aşağıya bax və şükür et. O qədər pis həyatı olanlar var ki... Gözüm qorxub, ikinci dəfə kimə ərə verim? Təmiz qız da, oğlan da tapmaq çətindir. Ərə gedəndən sonra ona mən baxacamsa, otursun yanımda".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.