Şou-biznes

Teleaparıcı Lətafət Ələkbərova: "Ailə qurduğum insanın..." - FOTOSESSİYA

14 İyul 2015 23:15
12 Şərh     Baxış: 9 911

Teleaparıcı Lətafət Ələkbərovanın Milli.Az-a müsahibəsi.

- Lətafət xanım, "Əslində mən" layihəsindən niyə uzaqlaşdınız?

- Əslində, ANS telekanalından uzaqlaşmamışam. Sadəcə olaraq, yeni bir layihə hazırlamışdıq. Yayda efirə gedəcəkdi. Lakin müəyyən səbəblərə görə, sentyabr ayına saxladıq.

- Bu veriliş hansı səpkidə olacaq?

- Demək olar ki, format eynidir. Amma daha fərqli, daha genişmiqyaslı bir layihə olacaq.

- Niyə ampluanızı dəyişmirsiniz?

- Sözün düzü, fikrim var. İllərlə canlı veriliş aparmışam. Qismət, görək (gülür).

- İllərlə canlı efirə çıxan bir aparıcı kimi indi canlı veriliş aparan aparıcılarda nəyi bəyənmirsiniz?

- Ümumiyyətlə, aparıcı efirə çıxanda gərək öz problemini, dərdini, kədərini tamaşaçıya yansıtmasın. İndiki aparıcıların bir çoxu öz zarafatlarını efirdə aşırı dərəcədə bildirirlər. Səmimi olduqlarını göstərmək istəsələr də, bəzən gülünc görünür. Aparıcı ilə tamaşaçı arasında bir "pərdə" olmalıdır.

- Siz özünüz də müəyyən qədər səmimi bir xanımsınız. Heç olubmu ki, aşırı dərəcədə səmimilik göstərdiyiniz insanlar sonra sizə qarşı çıxsınlar?

- Kifayət qədər olub ki, haqsızlıqlarla üzləşmişəm. Yenə də o insanları bağışlamışam. Amma mənə qarşı etdikləri hərəkətlər qəlbimdən silinməyib. Mən çox kövrək bir insanam.

- Sizcə, hal-hazırda tamaşaçının sizə olan tələbatı nə qədərdir?

- Ən azından deyə bilərəm ki, məni çox istəyirlər. Hörmətimi saxlayırlar. Ancaq mən bir müddət efirlərdə görünürəm, sonra bir müddət "itirəm". Lakin yenə də tamaşaçı məni tam unutmur. Mən parlayan, işartısı zəifləyən, lakin tam sönməyən bir ulduz kimiyəm (gülür).

- Kişi olsaydınız, Lətafət Ələkbərovaya hansı "göz"lə baxardınız?

- Lətafətin qədrini bilərdim (gülür). Ona dəyər verərdim.

- Siz sevgi baxımından korluq çəkirsiniz, deyəsən...

- Korluq deyəndə ki, rastıma hələ də mən istəyən insan çıxmayıb. Bir də ki, kişilərə güvənib itib...

- Əgər siz dediyiniz o adam qarşınızsa çıxsa, ailə quracaqsınız?

- Əgər tam mən deyən kimi olsa, bəli, quraram.

- Bəlkə də özünüz öz qismətinizdən qaçırsınız...

- Sözün düzü, mən siz dediyiniz sevginin arxasınca düşüb axtarmıram. Nə vaxt olar, olar. Olmaz da ki, olmaz.

- Kişilərdə ən çox nəyə üstünlük verirsiniz?

- Mənim üçün ailə qurduğum insanın ən əsas daxili gözəl olmalıdır, ağıllı olmalıdır. Bununla yanaşı ailəsinə yaxşı baxa biləcək qədər maddi imkana sahib olmalıdır.

- Ailə qursanız, ikinci övlad dünyaya gətirərsiniz?

- Bilmirəm, indi bu barədə heç nə deyə bilmərəm. Amma niyə də olmasın?!

- Bir ara bir az kilo aldığınızı deyirdiniz... Necə oldu? İndi tərəzinin üzərinə qalxanda əliniz ağzınızda qalmır ki?

- Xeyr (gülür). Şükürlər olsun ki, çəkimlə bağlı bir problemim yoxdur. Düzdür, bir ara nisbətən kökəlmişdim. Amma arıqladım. Formaya düşdüm.

- Necə arıqladınız?

- Yalnız pəhriz saxlamaqla.

- Kişilərin diqqətini öz üzərinizə çəkə bilirsinizmi?

- İnanın mənə, mən heç vaxt vulqar geyimlərdən istifadə etməmişəm. Düzdür, açıq geyimlərim olub, o da ki, yerinə görə geyinmişəm. Heç vaxt düşünməmişəm ki, filan geyimi geyinsəm, filankəslər mənə baxacaq və s.

- Qadın məkrinə tuş gəlmisiniz?

- Saysız-hesabsız... Qadın məkri çox pis bir şeydir. Allah bizi ondan qorusun. Bunu bir qadın olaraq deyirəm (gülür).

- Bu sənət sizi nədən məhrum etdi?

- Əslində, heç nədən məhrum etmədi. Bir az rahat yaşamağa imkan vermir. Ətrafın gözü səndə olur. Hərəkətlərinə, danışığına fikir verirlər və s. Bu da insanda müəyyən qədər narahatlıq yaradır.

- Gecə klublarına gedirsiniz?

- Bakıda nadir hallarda olur. Amma xaricdə sərbəst şəkildə gedə bilirəm. Gözdən-qulaqdan uzaq oluram çünki (gülür).

- Yay mövsümünü necə keçirdirsiniz?

- Çalışıram ki, xarici ölkələrə üz tutum. O da imkana baxır...

Cavidan Abdulayev
Milli.Az

Məqaləyə dair fotomateriallar:

loading...

Şərh yaz:

12 Şərh:

  • Anonim
    qul · 14 İyul 2015 23:2000

    sende turke er get

    Cavab yaz
  • Anonim
    Aygunnn · 14 İyul 2015 23:2700

    Cox beyaniram bu xanimi aparici jurnalist ucun ne lazimdisa bu xanimda var savadli danisiği qusursuzdu qisa sozla uğursuz evliliyi cox pis oldum insallah heyatiniz yaxsi olar hecda dunyanin axri deyil uğurlar

    Cavab yaz
    • Anonim
      Poster · 15 İyul 2015 09:5100

      men de cox beyenirem

      Cavab yaz
  • Anonim
    ilayda · 15 İyul 2015 00:0400

    Ay necede semimi apiriciydi.bax buda nece terbiyeli giymine dikket eden bir xanimdi.

    Cavab yaz
  • Anonim
    gulbadam · 15 İyul 2015 00:1400

    Bekarsize .isiniz gucunuz yoxdu

    Cavab yaz
    • Anonim
      Poster · 15 İyul 2015 10:1200

      day deme

      Cavab yaz
  • Anonim
    Sam · 15 İyul 2015 01:0300

    Hec olmasa, bayragimizi duz tutun, axi Sizler bunu yaxshi bilmelisiniz .....

    Cavab yaz
  • Anonim
    Sıraya əlavə · 15 İyul 2015 08:2600

    Dostum, bu bir həftədə bolluca əyləndim. Coxlarını qıcıqlandırdım. Hec olmadığım kimi oldum. Ciddi, ailəsinə bolluca diqqət yetirən insan olan mən 1 həftə kanikula cıxdım. Peşman deyiləm, səhv tanınmaq istəmirəm. Başqaları kimi, min hoqqadan cıxmadım. Evdə özümə yeni əyləncə tapdım.1-2 günə mənim varolma səbəbim gəlir.Arabir qonağınız olacağam, bəlkə də hər gün.xoş arzularla.

    Cavab yaz
    • Anonim
      Dostum · 16 İyul 2015 15:1100

      Vallah,lap kövrəldim. Sizinlə virtual tanışlığıma görə Milli.az-a minnətdaram.Düzü,mən çox az adamla ünsiyyət qura bilirəm,amma sizin ruhunuzu sevdim. Hər zaman sizi bir dost kimi burada axtaracağam və güman edirəm ki,hələ çox müzakirələrdə yollarımız kəsişəcək. O ki qaldı "səhv tanınmaq" məsələsinə,bizim bir-birimizi gözü kölgəli edəcək bir sözümüz belə olmadı-sadəcə sıcaq bir doct münasibətı.İnşaAllah,görüşərik!:)))))

      Cavab yaz
      • Anonim
        Sıraya əlavə · 16 İyul 2015 16:1000

        Mən də sizi axtaracam.

        Cavab yaz
  • Anonim
    Ayka · 15 İyul 2015 10:5200

    Cox yaxsi aparici idi.Xosumgelir

    Cavab yaz
  • Anonim
    ilayda · 16 İyul 2015 08:2501

    Yerinden durana atmaca atursuz turke ere get.turkler migeniyle evleniler dikket eleyun azerbaycanda en terbiyeli mugeni apariciyla evleniler.menimde yoldasim turkdi ele bililer ki turkiyede60faiz insan gapali giynir.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.