Təranə Qumral: "Qeyrətin haradadır, ay Musa?" - YENİLƏNİB - VİDEO

14:47

Müğənni Təranə Qumral keçmiş həyat yoldaşı Musa Musayevlə aralarında yaranmış qalmaqaldan Lent. az-a danışdı.

- Musa ilə niyə boşandınız?

- Musadan boşanmağımın əsl səbəbi, onun külli miqdarda borcunun olması idi. Adamın nə qədər borcu olar? Borc ödəməkdən yorulmuşdum.

- Keçmiş həyat yoldaşınız Musa Musayev iddia edir ki, sizi şəmkirli biznesmenlə bir yataqda tutub. Buna münasibətiniz. O biznesmenin adını deyə bilərsiz?

- Biznesmenin adı yoxdur. Bütün Şəmkir qalxıb ayağa. Onların hamısı biznesmendir. Göstər, kimdir o adam? Hansı biznesmendir? O mənə şər atır. Adama deyərlər, əgər  məni tutmusansa, niyə öldürmədin? Tüfənglə gəlmisənsə, niyə vurmadın? Bəs sənin kişiliyin, qeyrətin haradadır, ay Musa? Mən güclü qadınam. Məni sındıra bilməzlər. Bütün sosial şəbəkədə qardaşları müsahibə verir. Gördünüz ki, mən özüm heç bir müsahibə vermədim. Heç öz qardaşıma və bacıma da imkan vermərəm ki, məsələ ilə bağlı bir fikir söyləsinlər.

- Bu xəbərlər mediada dərc olunandan sonra Musa ilə əlaqə saxladınızmı?

- Hə, ona dünən bir neçə dəfə zəng elədim. Amma zənglərimə cavab vermədi.

- Barışmağınız mümkündürmü?

- Mən demirəm, Musanı sevmirəm. Yenə deyirəm, mən Musanı sevirəm. Gələcəkdə də barışmaq haqda bir söz deyə bilmərəm, çünki uşaqlarımız var.

- Övladlarınız bu məsələ ilə bağlı sizdən nəsə soruşdular?

- Heç nə demədilər. Övladlarım neynəyəcəklər ki? Sarsıntı keçirdilər, şoka düşdülər. Övladlarım bilirlər ki, atalarının psixoloji sarsıntıları var.

- Bəs bu məsələ haradan qaynaqlandı?

- Deyim də, Musa öz xalası qızını boşayıb, məni alıb. Elə həmin gündən sonra hamısı mənə qarşı çıxıblar. Mənim uşaqlarım da bilirlər ki, bu, Musanın işi deyil. Musanın qardaşının və anasının işidir. Musa ömür boyu mənə "Mələyim" deyib. O, heç zaman məni adımla çağırmayıb.

- Musa Musayevin qardaşı bizə müsahibəsində "Musa Azərbaycanda hamının tanıdığı və əxlaqsız bir qadını özünə arvad elədi" deyə məsələyə münasibət bildirib. Bununla bağlı nə deyərdiniz?

- Nə olsun ki, Təranə xanım müğənnidir? O, birinci, getsin, öz ailəsinə baxsın, sonra danışsın. Ataların bir məsəli var: Quyruqlu qoyun öz quyruğunu qorusun. Əxlaqsız onun arvadı və gəlinidir. Musa bu cür danışıqlara şərait yaradırsa, nə deyim?

- Polisə müraciət etmisiniz?

- Yox. Mən polisə müraciət etməmişəm. O, mənim övladımın atasıdır. Gözləyəcəyəm. Məndən üzr istəsə, onu bağışlayacağam. Axı mən onu sevirəm. Üzr istəməsə, mənə şər atdığına görə nə tədbirlər lazımdırsa, haraya müraciət etmək lazımdırsa, mütləq edəcəyəm. Bunu bilsinlər.

----------
13:23

Xəyanətdə ittiham olunan müğənni Təranə Qumral bu gün yeni açıqlamalarla çıxış edib.

"Qafqazinfo" xəbər verir ki, ANS-in efirinə qoşulan sənətçi dünən mətbuata açıqlama verən əri Musa Musayevin xəyanət ittihamlarını cavablayıb.

Xanım müğənni hələ də Musa Musayevlə bir yerdə yaşadığını qeyd edib:

"Mən həyatda bir kişi sevmişəm. O da Musadır. Biz əsrin Leyli-Məcnunu olmuşuq".

5 yaşlı qızının anası Təranə Qumralı xəyanət başında yaxaladığını deyən Musa Musayev Təranənin açıqlamalarına münasibət bildirdi.

Musa Musayev Anspress-ə müsahibəsində Təranə Qumralın "Mən hələ də Musanı sevirəm" açıqlamasına belə cavab verdi: "Onun sevgisi yalan və cəfəngiyyatdan başqa bir şey deyil. Təranə çox aferist qadındır. Mənim sevgimdən istifadə etdi. Mənim 16-17 ilimi əlimdən aldı. Məndən, adımdan, sənətimdən istifadə edib özünə karyera qurdu.

Təranə məndən yetərincə istifadə etdi. İndi mənim heç nəyim yoxdur. Hər şeyi ona qoyub çıxmışam. Toylardan nə qazanmışıqsa, birlikdə qazanmışıq. Qazandığımız pullardan mənə 20 manat verirdi. Mən bəyəm 20 manatlıq kişiyəm?"

Milli.Az