Şou-biznes

Rəqsanə atasına əhsan süfrəsi açdı – Qardaşı ilk dəfə danışdı - (Video)

7 Oktyabr 2026 16:55

Baxış: 442

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #VİDEO #MƏŞHURLAR #AİLƏ #MÜĞƏNNİ

Müğənni Rəqsanə İsmayılova mərhum atası İsmayıl İsmayılovun vəfatından sonra onun üçün əhsan süfrəsi açıb.

Milli.Az xəbər verir ki, mərasimdə sənətçinin qardaşı Elçin də iştirak edib. "Xəbərshow"un rəhbəri Aysel Ağayeva və aparıcı Yalçın Uğurun suallarını cavablandıran Elçin mərhum atası ilə münasibətlərindən söz açıb.

O bildirib ki, atası ilə tez-tez görüşmək imkanı olmasa da, telefonla daim əlaqə saxlayıb:

"Atamla çox təmasda olmamışam, çox görməmişəm. Amma telefon bağlantımız çox olub".

Rəqsanə isə qardaşının atası ilə daha çox ünsiyyətdə olduğunu deyərək, onun mərhum haqqında daha ətraflı danışa biləcəyini bildirib.

Müğənni Elçinlə necə tanış olduqlarından da danışıb. Onun sözlərinə görə, Elçini anası tapıb və bacı-qardaşın bir-birini tanıması üçün onları görüşdürüb.

Rəqsanənin açıqlamasından məlum olub ki, atası üç dəfə ailə qurub. Hər evlilikdən iki övladı dünyaya gəlib. Beləliklə, anaları ayrı olmaqla, ümumilikdə altı övlad - üç bacı və üç qardaş olublar.

Elçin həmçinin atasının dəfn mərasimində iştirak etmədiklərini açıqlayıb. Buna baxmayaraq, ailə üzvləri mərhum İsmayıl İsmayılovu unutmadıqlarını və onun xatirəsini yaşatdıqlarını bildiriblər.

Müəllif: Tural Hüseyn (Milli.Az redaktor)