Şou-biznes

“Güllü”nün ölümündə inanılmaz detal: Evdəki 7 saniyəlik hərəkət araşdırılır

12 Avqust 2026 12:58

Baxış: 1 526

VTB-də minimal faiz dərəcəsi ilə nağd kredit 9.9%-dən

#HADİSƏ #KRİMİNAL #MƏŞHURLAR #MÜĞƏNNİ #TÜRKİYƏ ŞOUBİZNESİ

Türkiyəli müğənni "Güllü"nün (Gül Tut) Yalovadakı evinin pəncərəsindən yıxılaraq həyatını itirməsi ilə bağlı araşdırmalarda yeni detal üzə çıxıb.

Milli.Az Türkiyə mətbuatına istinadən xəbər verir ki, hadisə yerində təhlükəsizlik kameralarının görüntü zonasına düşməyən hissə də araşdırılıb.

Mütəxəssislərin evdəki metal qapı dəstəyindən əldə olunan əks və kölgə görüntülərini təhlil etdiyi bildirilir. Bu üsulla evin daxilində baş verən bəzi hərəkətlərin müəyyənləşdirildiyi qeyd olunur.

Keçmiş cinayət polisi Savaş Kurtbaba bildirib ki, "Güllü"nün yıxılmasından sonra evin içərisində təxminən 7 saniyə ərzində hərəkət müşahidə olunub. Onun sözlərinə görə, bu məqam istintaq baxımından əhəmiyyətli detallar sırasındadır.

Hadisənin yeganə canlı şahidi olan Sultan Nur Ulu əvvəlcə Gül Tutun sərxoş vəziyyətdə yıxıldığını söyləyib. Lakin sonradan ifadəsini dəyişərək müğənninin qızı Tuğyan Ülkəm Gülterin anasını pəncərədən atdığını etiraf edib.

Hazırda Tuğyan Ülkəm Gülter anasına qarşı qəsdən adam öldürməkdə ittiham olunur. Onun barəsində ağırlaşdırılmış ömürlük həbs cəzası tələb edilir.

İstintaq çərçivəsində ortaya çıxan yeni görüntülərin hadisənin necə baş verdiyinə aydınlıq gətirə biləcəyi gözlənilir.

Müəllif: Tural Hüseyn (Milli.Az redaktor)