Şou-biznes

"Bu halda yaxşı evdə yaşamırsansa, axmaq adamsan"

18 İyul 2026 18:25

Baxış: 333

VTB-də minimal faiz dərəcəsi ilə nağd kredit 9.9%-dən

#ƏMƏKDAR ARTİST

Əməkdar artist Vasif Məhərrəmli şəxsi həyatı, maddi imkanları və xeyriyyəçiliklə bağlı açıqlamaları ilə diqqət çəkib.

Milli.Az xəbər verir ki, müğənni "Efirdən kənar" verilişində lüks həyatı sevməsindən danışıb:

"Lüks axtarmamışam, amma komfortlu həyatı kim sevmir ki? Yaxşı geyimi də, yaxşı maşını da sevirəm. Əgər maddi durumun buna imkan verirsə, yaxşı ev alıb orada yaşamırsansa, sən axmaq adamsan. Amma imkanın olmadığı halda borca girib bahalı maşın, paltar, filan markadan pencək, şalvar alırsansa, yenə axmaq adamsan. İnsan qazancını, mədaxilini və məxaricini balanslaşdırmağı bacarmalıdır. Mənim də peşman olduğum addımlarım olub. Bəzən birinə yaxşılıq edirsən, qarşılığında əksini görəndə peşman olursan. İnsan zəkasına söykənməlidir".

Sənətçi pandemiya dövründə 100 ailəyə yardım etdiyini və tənqid olunduğunu deyib:

"Zaman-zaman şərhləri oxuyuram. Pandemiya vaxtı ailəmlə Qazaxa getdim. Dedilər ki, imkanı olanlar bəzi ailələrə kömək etsin. Mən də gücüm çatan qədərini edəcəyimi söylədim. İlk olaraq 100 ailəyə yardım etdim. Bir marketə tapşırdım ki, ərzaqları qutulara yığıb göndərsinlər. Sonradan market sahibi qutuların üzərinə "Əməkdar artist Vasif Məhərrəmli" yazmışdı. Məni buna görə tənqid etdilər. Yaxşı tərəfini görün, niyə pis tərəfini görürsünüz?". (Axşam.az)

Müəllif: Ülkər Vəliyeva (Milli.Az redaktor)